Muhammad Zia-ul-Haq
From Wikipedia, the free encyclopedia
El xeneral Muhammad Zia-ul-Haq (12 d'agostu de 1924, Jalandhar – 17 d'agostu de 1988, Bahawalpur) foi un militar y dictador de Paquistán, presidente de la República Islámica de Paquistán ente'l 16 de setiembre de 1978 hasta la so muerte en 1988 nun accidente d'avión. Fuera xeneral en xefe del exércitu del Paquistán dos años antes de ser l'autor del golpe d'estáu que llevó al poder.
Muhammad Zia-ul-Haq | |||||||||
---|---|---|---|---|---|---|---|---|---|
27 febreru 1985 - 24 marzu 1985
16 setiembre 1978 - 17 agostu 1988 ← Fazal Ilahi Chaudhry (es) - Ghulam Ishaq Khan →
14 xineru 1978 - 27 agostu 1978
1r marzu 1976 - 17 agostu 1988 ← Tikka Khan (es) - Mirza Aslam Beg → | |||||||||
Vida | |||||||||
Nacimientu | Jalandhar, 12 d'agostu de 1924[1] | ||||||||
Nacionalidá |
Paquistán Raj británicu | ||||||||
Llingua materna | urdú | ||||||||
Muerte | Bahawalpur, 17 d'agostu de 1988[1] (64 años) | ||||||||
Sepultura | Mezquita Faisal (es) | ||||||||
Causa de la muerte | accidente d'avión | ||||||||
Familia | |||||||||
Madre | Q79400896 | ||||||||
Fíos/es | Ijaz-ul-Haq (es) | ||||||||
Estudios | |||||||||
Estudios |
St. Stephen's College (en) Universidá de Delhi Colegio de Comando y Estado Mayor General del Ejército de los Estados Unidos (es) | ||||||||
Llingües falaes | urdú[2] | ||||||||
Oficiu | políticu, oficial | ||||||||
Premios | |||||||||
Serviciu militar | |||||||||
Cuerpu militar |
Exércitu del Raj británicu Exércitu de Paquistán | ||||||||
Graduación | xeneral | ||||||||
Lluchó en |
Segunda Guerra Mundial Guerra indo-pakistaní de 1965 (es) Septiembre Negro (es) | ||||||||
Creencies | |||||||||
Relixón | Sunismu | ||||||||
Partíu políticu | políticu independiente | ||||||||
IMDb | nm3905327 y nm0955925 | ||||||||
A la so llegada al poder en 1977, el Xeneral Zia-ul-Haq fixo condergar a muerte por aforcamientu al antiguu Primer Ministru Zulfikar Ali Bhutto (padre de la posterior primer ministra Benazir Bhutto), por una vaga hestoria d'asesinatu.
El Xeneral Zia desempeñó un importante papel na Guerra d'Afganistán (1979-1989), apurriendo ayuda financiera y militar a los muyahidín, ayuda que foi fuertemente sofitada polos Estaos Xuníos, que prometieren a Zia territorios nel noroeste pa compensar la perda de Bangladex.
Siguió'l programa nuclear de Paquistán na década de 1970, programa que llogró una esitosa prueba nuclear en 1998, rellanzando'l conflictu cola India, arremente ente otros aspeutos de Caxmir.
A diferencia de Zulfikar Bhutto, atraíu pola llaicidá, el Xeneral Zia tenía la intención d'establecer un estáu islámicu sofitándose nos mulás: prohibió los intereses bancarios, instauró la llimosna obligatoria, los castigos públicos, obligó a les muyeres a ponese'l velu p'apaecer en televisión. El Xeneral Zia quixo dir entá más lloñe al intentar restaurar el califatu que fuera abolíu'l 3 de marzu de 1924 pol presidente turcu Mustafa Kemal Atatürk.
En 1988, cuando diba acompañáu por diplomáticos norteamericanos, el so avión estrellóse sobre Paquistán en circunstancies misterioses. Nun hai pruebes hasta la fecha p'acreditar la teoría d'un asesinatu, patrocináu o non por una potencia estranxera.
La democracia restablecióse pocu dempués de la so muerte cola eleición de Benazir Bhutto.