From Wikipedia, the free encyclopedia
Michael Richard Pence (7 de xunu de 1959, Columbus (es) 
) ye un políticu d'Estaos Xuníos miembru del Partíu Republicanu y d'orientación conservadora.
Foi miembru de la Cámara de Representantes d'Estaos Xuníos ente 2001 y 2013 y gobernador d'Indiana ente 2013 y 2017.
El so nomamientu como vicepresidente de los Estaos Xuníos prodúxose tres la victoria del so compañeru de fórmula Donald Trump nes eleiciones de 2016.
Michael Richard Pence nació en Columbus, Indiana. Doctoróse en Derechu pola Universidá d'Indiana. Trabayó como abogáu y llocutor de radio enantes d'entrar en política, The Mike Pence Show que s'emite dende 1994 en 18 estaciones de radio. Tamién presentó un programa sobre política na televisión llocal d'Indianapolis ente 1995 y 1999. Presidió l'institutu de política pública Indiana Policy Review.[7]
Miembru de la Cámara de Representantes Afiliáu al Partíu Republicanu, intentó ensin ésitu ganar al congresista demócrata Philip Sharp en 1988 y 1990. Pal añu 2000, el 6ᵘ distritu d'Indiana tornárase más republicanu y Mike Pence foi escoyíu pa la Cámara de Representantes de los Estaos Xuníos. Sería reelixíu en 2002, 2004, y 2006.
Poco dempués de los atentaos del 11 de setiembre de 2001, Pence integróse nel Comité Xudicial de la Cámara de Representantes, sirviendo nel Subcomité sobre Constitución y Llibertaes Civiles. Nesi tiempu participó na redaición del borrador de la Llei Patriótica (Patriot Act), y la llexislación pa crear el nuevu Departamentu de Seguridá del Territoriu Nacional.[7]
Foi amás miembru del Comité d'Agricultura y del Comité de Rellaciones Internacionales de la Cámara de Representantes, siendo'l republicanu de más altu rangu nel Subcomité sobre Oriente Mediu y Sur d'Asia. Votó a favor de los retayos d'impuestos de 2001 y 2003, a favor de la prohibición del albuertu de nacencia parcial, y a la escontra de los subsidios federales a la investigación con célules madre.[8]
En payares de 2006 anunció la so candidatura pal puestu de líder de la Minoría Republicana na Cámara. Recibió'l sofitu d'organizaciones conservadores como Club for Growth o l'American Conservative Union, pero perdió frente al congresista John Boehner. D'ende, foi escoyíu pol so partíu pa sirvir como House Conference Committee Chair, el tercer posición de lideralgu republicanu na Cámara de Representantes.
En mayu de 2011, Pence anunció que buscaría convertise nel candidatu del Partíu Republicanu pa gobernador d'Indiana nes eleiciones del añu siguiente.[9] Finalmente, foi escoyíu nel cargu, asumiendo como'l gobernador n.° 50 d'Indiana'l 14 de xineru de 2013.[10]
Nel so periodu, llogró'l mayor amenorgamientu impositivu na hestoria del estáu, llogró mayor financiamientu a iniciatives educatives, y siguió aumentando los escedentes de les arques estatales. Sicasí, tuvo d'enfrentase a dellos discutinios, ente ellos, l'aprobación de la Llei de Restauración de la Llibertá Relixosa (Religious Freedom Restoration Act), qu'atopó oposición ente los miembros moderaos del so partíu, el sector empresarial y activistes LGBT, quien argumentaben que la llei dexaba la discriminación a les persones LGBT.[11][12][13] Tamién robló la controvertida llei que prohibió ciertos procedimientos d'albuertu y aumentó les restricciones pa la so realización.[14]
En 2015 declaró que "Indiana ye un estáu pro-carbón", y afirmó que "tenemos de siguir oponiéndonos a los esquemes de superación de la EPA hasta que llogremos que la so Guerra escontra'l carbón termine."[15][16] Unvió una carta al presidente Obama escontra'l plan de la enerxía llimpia de la EPA, que regularía emisiones de carbonu ya indicó qu'Indiana negaría obedecer el Plan.[15][17]
El 14 de xunetu de 2016, previu a la Convención Nacional Republicana, diose a conocer que sería'l candidatu a la vicepresidencia de EE.XX. acompañando na fórmula a Donald Trump.[18] Tres la victoria nes eleiciones del 8 de payares, Pence xuró al cargu de vicepresidente'l 20 de xineru de 2017.
Ta casáu con Karen Batten dende 1985 y tien trés fíos. Pence declárase «cristianu, conservador y republicanu, nesi orde».[7]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
