![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a5/Mycorrhizal_root_tips_%2528amanita%2529.jpg/640px-Mycorrhizal_root_tips_%2528amanita%2529.jpg&w=640&q=50)
Micorriza
From Wikipedia, the free encyclopedia
Una micorriza (del griegu: mycorrhiza «fungu y raigañu»),[1] ye una rellación simbiótica (xeneralmente del tipu mutualística , pero dacuando feblemente patoxénica) que s'establez ente un fungu y los raigaños de les plantes vasculares. Nel 95% de les plantes que s'estudiaron atopóse esta simbiosis. Una esceición son les plantes de la familia de la berza[2] (brasicacies). L'asociación de les micorrices coles plantes ta presente dende fai 400 millones d'años
![Thumb image](http://upload.wikimedia.org/wikipedia/commons/thumb/a/a5/Mycorrhizal_root_tips_%28amanita%29.jpg/320px-Mycorrhizal_root_tips_%28amanita%29.jpg)
Nuna asociación con micorrices los fungos colonicen los raigaños de plantes güéspede, yá sía de forma intracelular como asocede nos llamaos fungos micorrizíticos arbusculares (AMF arbuscular mycorrhizal fungi), o estracelularmente nos llamaos fungos ectomicorrizíticos. Les micorrices son un componente importante na vida y la química del suelu .
La mayoría de cogordes comestibles de los montes de pinos (robeyón[3],llezneru[4], Cantharellus cibarius, Tricholoma terreum) son esporocarpes de fungos micorrízicos. Toos estos fungos viven coneutaos a los árboles vivos, y dambos llogren beneficiu d'esa simbiosis. Delles plantes son micorrizaes artificialmente yá sía pa llograr cogordes comestibles (turmes por casu) o p'ameyorar la so crecedera ensin precisar abonos químicos (especialmente utilícense fungos del xéneru Glomus). Les micorrices amonten la resistencia de les plantes a les enfermedaes provenientes del suelu y dexen que les plantes colonicen tierres ermes.