![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a9/Marion_Cotillard_Cabourg_2017.jpg/640px-Marion_Cotillard_Cabourg_2017.jpg&w=640&q=50)
Marion Cotillard
actriz francesa / From Wikipedia, the free encyclopedia
Marion Cotillard (30 de setiembre de 1975, París) ye una actriz y cantante francesa ganadora de los premios Óscar, BAFTA, César y Globu d'Oru pola so interpretación d'Édith Piaf na película La Môme. Ye la única muyer que ganó un Óscar a la meyor actriz por una película francesa. Tamién ye ambientalista y voceru de Greenpeace.
En 2012, recibió numberosos aponderamientos pola so actuación como Stéphanie en De rouille et d'os, y foi gallardoniada col Premiu Globu de Cristal, Premiu Étoile d'Or, Premiu Sant Jordi, Irish Film & Television Award y el Premiu de la Meyor Actriz nel Hawaii International Film Festival, amás del fechu de que recibió nominaciones pal premiu Globu d'Oru, pal Premiu BAFTA, pal Screen Actors Guild Award, pal Premiu de la Crítica Cinematográfica, pal Premiu AACTA, pal Premiu Lumière y pal Premiu César.
Ella ye la cara oficial de los bolsos Lady Dior dende'l 2008, y apaeció en más de 200 portaes de revistes de tol mundu.[14] Ente elles, atópense: Vogue, Elle, Marie Claire, Variety, Harper's Bazaar, Vanity Fair, Madame Figaro, Glamour, W, The Hollywood Reporter y Wall Street Journal Magazine. Tamién apaeció na portada del primer númberu de la revista Dior, en setiembre del 2012.[15]