periodista francesa From Wikipedia, the free encyclopedia
Mariane van Neyenhoff Pearl (23 de xunetu de 1967, Clichy) ye una periodista freelancer[3] y una reportera y columnista pa la revista Glamour.[4] Ye la vilba de Daniel Pearl,[5] el reporteru de The Wall Street Journal que foi secuestráu y asesináu por terroristes en Paquistán a principios de 2002.
Pearl nació en Clichy (Francia), siendo d'ascendencia xudíu-holandesa, afrocubana y chinu-cubana,[6][7][8] y crióse en París, onde conoció a Daniel Pearl, cuando ésti taba faciendo un trabayu na ciudá.[9]
Ellos casáronse n'agostu de 1999,[3] vivieron por un tiempu en Bombay (India), onde Daniel foi xefe de la oficina d'Asia meridional de The Wall Street Journal y más tarde viaxaron a Karachi (Paquistán) a cubrir los acontecimientos de la guerra contra'l terrorismu. El so fíu, Adam Daniel, nació en París tres meses dempués de la muerte del so padre.[10]
Pearl escribió una memoria, A Mighty Heart, que trata los eventos rellacionaos col secuestru y asesinatu del so maríu. La memoria foi afecha nel filme del mesmu nome, coproducido por Brad Pitt, Andrew Eaton y Dede Gardner,[11] empobinada por Michael Winterbottom y protagonizada por Angelina Jolie y Dan Futterman como Mariane y Daniel Pearl.[12]
Pearl ye una prauticante de budismu nichiren y miembru de Sōka Gakkai Internacional.[13] El so hermanu Satchi Van Neyenhoff ye un editor de soníu.[6][14]
Mariane Pearl ye miembru de xunta honoraria de la Daniel Pearl Foundation creada polos padres de Daniel, Ruth y Xudea Pearl. Otros miembros de la xunta honoraria inclúin a la corresponsal internacional Christiane Amanpour, al ex-presidente de los Estaos Xuníos Bill Clinton, al filántropu paquistanín Abdul Sattar Edhi, al presidente de la Universidá de Stanford John L. Hennessy, al antiguu presentador de noticies de Nightline Ted Koppel, a la reina Noor de Xordania, al violinista Itzhak Perlman, al presidente de la Universidá Al-Quds Sari Nusseibeh y al ganador del Premiu Nobel de la Paz Elie Wiesel.
En xunetu de 2007, Pearl entabló una demanda en Nueva York contra los terroristes y un bancu que supuestamente los financió, polos sos aparentes papeles na abducción, tortura y asesinatu del so maríu.[15] Ente los nomes incluyíos na demanda taben Ahmed Omar Saeed Sheikh, Khalid Sheikh Mohammed y el Habib Bank Limited. El 24 d'ochobre de 2007, la demanda foi retirada. Los abogaos de Pearl dixeron que Habid Bank Limited y los otros demandaos nel casu nun respondieren a la demanda (anque'l bancu siempres negó sofitar terroristes[16]), pero nun esplicaron nenguna otra razón pal retiru.[17] Un voceru de los abogaos declaró que la demanda foi retirada por motivos personales.[16]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.