actor estauxunidense From Wikipedia, the free encyclopedia
Lukas Daniel Haas (16 d'abril de 1976, West Hollywood (es) ) ye un actor d'Estaos Xuníos d'orixe alemán. A lo llargo de la so carrera, participó nuna cuarentena de películes, series y producciones teatrales.
Lukas Haas![]() | |
---|---|
![]() | |
Vida | |
Nacimientu |
West Hollywood (es) ![]() |
Nacionalidá |
![]() |
Llingua materna | inglés |
Estudios | |
Estudios |
Professional Children's School (en) ![]() Young Actors Space |
Llingües falaes | inglés[3] |
Oficiu | actor, actor de televisión, actor de cine, músicu |
IMDb | nm0001305 |
lukas-haas.com | |
![]() |
Haas nació'l 16 d'abril de 1976 en West Hollywood, California y ye fíu de la escritora Emily Tracy y del artista Berthold Haas.[4] El so padre foi un inmigrante alemán.[5] Los sos dos hermanos ximielgos: Nikolai y Johannes tamién se dediquen a la cultura (músicu y artista respeutivamente). A los cinco años atraxo l'atención de la direutora Marjorie Simkin mientres taba na guardería. El so debú na gran pantalla vieno en 1983 cola película Testament.
A los 8 años empezó a faese más conocíu en compartiendo cartelu con Harrison Ford na película de 1985 Witness nel qu'interpretaba a un mozu amish que guardó l'asesinatu d'un policía, tal actuación foi valorada positivamente pola crítica.[6] Más tarde apaecería en pequeños papeles como en Lady in White y Solarbabies. En 1989 apaeció en Music Box so la direición de Costa-Gavras col que foi nomáu a un Young Artist. Tamién participó en Alan and Naomi y Rambling Rose.
En 1989 foi nomáu a un Emmy por interpretar a Ryan White na TV movie The Ryan White Story nel qu'interpretaba a un adolescente que contraxo'l SIDA por una mala tresfusión de sangre pa la hemofilia. En 1988 apaeció nel Teatru Lincoln Center de Nueva York xunto a Robin Williams y Steve Martin na obra de Samuel Beckett: Waiting for Godot empobinada por Mike Nichols.[7]
Otres producciones nes que participó fueron Everyone Says I Love You de Woody Allen, Mars Attacks de Tim Burton y Breakfast of Champions d'Alan Rudolph. Ente'l so filmografía de los años 2000 inclúyense Brick, Last Days de Gus Van Sant y While She Was Out. Esta postrera protagonizada con Kim Basinger.
En marzu de 2010 entró nel Pasio de la Fama de Texas. Ente 2010 y 2012 actuó en Red Riding Hood, Contraband y Inception amás de ser un actor habitual na serie Touch.[8]
Como músicu, collaboró como pianista y baxu na banda The Rogues.[ensin referencies] Compunxo partitures de delles BSO de películes como Breakfast of Champions y Last Days y tamién actuó xunto con Macy Gray nel álbum The Trouble with Being Myself y Shaka Rock de Jet con She's a Genius. En 2008 publicó un EP como solista.
Tamién apaeció en videoclips de grupos como My Chemical Romance, OutKast, UGK y l'antes mentáu Jet.
El 25 de febreru de 2011 anunció qu'actuaría con Isabel Lucas col single Made For You. La grabación del videoclip foi realizada por el mesmu Haas nA Studio. Esta información revelóse tiempu dempués como campaña de marketing pal álbum del grupu portugués The Gift: Explode.[9][10]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.