From Wikipedia, the free encyclopedia
Heinrich Gottlieb Ludwig Reichenbach (8 de xineru de 1793, Leipzig – 17 de marzu de 1879, Dresde) foi un naturalista, zoólogu, botánicu y ornitólogu alemán .
Ludwig Reichenbach | |
---|---|
Vida | |
Nacimientu | Leipzig[1], 8 de xineru de 1793[2] |
Nacionalidá | Reinu de Saxonia |
Muerte | Dresde[3], 17 de marzu de 1879[2] (86 años) |
Sepultura | Trinitatis Cemetery (en) |
Familia | |
Padre | Johann Friedrich Jacob Reichenbach |
Fíos/es | Heinrich Gustav Reichenbach |
Estudios | |
Estudios | Universidá de Leipzig |
Nivel d'estudios | doctoráu |
Oficiu | botánicu, pteridólogu, briólogu, zoólogu, ornitólogu, profesor universitariu, entomólogu, micólogu |
Llugares de trabayu | Leipzig |
Emplegadores | Universidá de Leipzig |
Miembru de | Academia Alemana de les Ciencies Naturales Leopoldina |
Abreviatura en botánica | Rchb. (IPNI) |
Abreviatura en zooloxía | Reichenbach |
Yera'l fíu de Johann Friedrich Jakob Reichenbach, l'autor en 1818 del primer diccionariu Griegu-Alemán. Foi'l padre de Heinrich Gustav Reichenbach, botánicu igualmente y un eminente especialista en orquídees.
Reichenbach nació en Leipzig. Dende 1810 estudió Medicina y Ciencies Naturales na Universidá de Leipzig. Aportando a tutor en 1818. En 1820 foi designáu como direutor del Muséu d'Historia Natural de Dresde y profesor na Universidá de Dresde, onde permaneció hasta 1862. Más tarde fundó'l Xardín Botánicu de Dresde y foi cofundador del Zoo de Dresde. El Muséu de Coleiciones de Zooloxía foi destruyíu casi dafechu pol fueu de la quema del palaciu Zwinger mientres la crisis constitucional de 1849, pero a Reichenbach foi-y posible reemplazar les coleiciones en solo unos pocos años. Esta coleición puede vese anguaño formando la base espositiva del muséu.
Reichenbach foi un autor prolíficu y un artista botánicu aceptable. Les sos obres inclúin Iconographia Botanica seu Plantae criticae (1823-32, 10 vols.) y Handbuch der speciellen Ornithologie (1851-54). Identificó y clasificó más de 2.900 nueves especies.
L'abreviatura Rchb. emplégase pa indicar a Ludwig Reichenbach como autoridá na descripción y clasificación científica de los vexetales. (consulta la llista de tolos xéneros y especies descritos por esti autor nel IPNI).
L'abreviatura Reichenbach emplégase pa indicar a Ludwig Reichenbach como autoridá na descripción y taxonomía en zooloxía.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.