Long Walk to Freedom
From Wikipedia, the free encyclopedia
'Long Walk to Freedom (n'asturianu Un llargu camín a la llibertá) ye una obra autobiográfica escrita pol ex-presidente sudafricanu Nelson Mandela y publicada en 1994 por Little Brown & Co. El llibru describe'l so niñez, mayoría d'edá, educación y 27 años en prisión. Col réxime del apartheid Mandela yera consideráu como terrorista y foi encarceláu na isla Robben pola so implicación como líder del entós illegal Congresu Nacional Africanu. De magar, llogró reconocencia internacional pola so llucha dende la presidencia por reconstruyir la sociedá segregacionada del país.[1] Los últimos capítulos del llibru describen el so ascensu políticu y la so creencia de que la llucha sigue contra l'apartheid en Sudáfrica.
Long Walk to Freedom | |
---|---|
obra escrita, autobiografía y edición | |
Datos | |
Autor | Nelson Mandela |
Fecha | 1994 y 1995 |
Xéneru | autobiografía |
Llingua de la obra | inglés |
Editorial orixinal | Little, Brown and Company |
País orixinal | Estaos Xuníos |
ISBN | ISBN 978-0-316-54818-2 |
OCLC | 39296287 |
Obres derivaes | Mandela: Long Walk to Freedom |
Mandela añadió la siguiente dedicatoria'l so llibru: a los mios seis fíos: Madiba y Makaziwe (la mio primer fía) que morrieron, y a Makgatho, Makaziwe, Zenani y Zindzi, que'l so sofitu y ciñu atesoro; a los mios ventiún nietos y trés bisnietos que tanto quiero; y a tolos mios collacios, amigos y compañeros sudafricanos a quien sirvo y que'l so coraxe, determinación y patriotismu siguen siendo la mio fonte d'inspiración".