Lliteratura española
From Wikipedia, the free encyclopedia
La lliteratura española ye aquella desenvuelta n'español n'España. Tamién podría incluyise nesta categoría la lliteratura hispanolatina clásica y tardida, la lliteratura xudeoespañola y la lliteratura arábigoespañola, escrites respeutivamente en llatín, hebréu y árabe. Abarca dende les primeres espresiones poétiques calteníes en llingua vernácula (les jarches) hasta l'actualidá, más de mil años d'historia. Ye una caña de la lliteratura románica y dio llugar a otra importante caña, la lliteratura hispanoamericana.
La lliteratura española se engloba dientro de la lliteratura en castellanu, na que s'inclúin les lliteratures n'español de tolos países hispanofalantes. Per otru llau, tamién ta englobada na lliteratura d'España, xunto coles de les demás llingües falaes nel país.