Llingües hokanas
From Wikipedia, the free encyclopedia
La familia de llingües hokanas ye l'agrupación hipotética de pequeñes families llingüístiques falaes en California y Méxicu. Dependiendo de los autores el grupu taría formáu por ente 15 y 40 llingües. Tando cerca del sieglu desque se propunxo la esistencia d'esta familia, atopóse dalguna evidencia adicional que dexa sostenela como un agrupamientu xenéticu creíble. Anque delles families hokanas pueden ser rellacionaes, especialmente les del norte de California, dellos llingüistes siguen considerando que la hipótesis hokana ta entá por comprobase como válida. La etiqueta ye emplegada como un mediu pa simplificar l'analís d'una de les rexones más diverses del planeta, llingüísticamente falando.
Llingües hokanas![]() | ||
---|---|---|
Distribución xeográfica | América del Norte | |
Países |
![]() ![]() ( ![]() | |
Subdivisiones |
Karúk Shasta Ch'imáriko Yana Palaihnihano Esselen Washo Salinero Pomo Yumano-cochimíes (Tequistlateco-jicaque) (Comecrudo-coahuilteco) | |
Ver tamién Idioma - Families - Clasificación de llingües | ||
[editar datos en Wikidata] |
El nome hokano ta difusamente basáu na pallabra pa dos en dellos llinguaxes pertenecientes a esti gran grupu llingüísticu: xwak en proto-yumano, c-oocj ([k-oːkx], según l'Alfabetu Fonéticu Internacional), en seri, hak n'achomawi, etc.
Les llingües hokanas son falaes polos indíxenes pomo, na mariña californiana, según por otros grupos alredor del monte Shasta y el llagu Tahoe, y los grupos yumanos que viven nes riberes del ríu Coloráu. Dellos llingüistes inclúin nesti grupu a la llingua chumash, pero la evidencia nun paez abonda. L'idioma yurumanguí de Colombia tamién foi incluyíu nesta clasificación (Rivet, 1942); lo mesmo que les llingües estinguíes del sur de la península de Baxa California. Sicasí, estos casos fueron llargamente cuestionaos polos llingüistes históricos.