Llingües austroasiátiques
From Wikipedia, the free encyclopedia
Les llingües austroasiátiques son una amplia familia de llingües del sureste asiáticu y la India. El nome provién de la pallabra griega que significa 'Sur d'Asia'.
Llingües austroasiátiques | ||||
---|---|---|---|---|
Distribución xeográfica | Subcontinente Indiu y Sureste Asiáticu | |||
Países |
Birmania Camboya India Laos Malasia Tailandia Vietnam | |||
Falantes |
~100 millones (2000)[1] 104 millones (2009)[2] | |||
Filiación xenética | Áustricu (?) | |||
Subdivisiones |
Munda Mon-Khmer Khmúico-KhásicoLlingües munda y Llingües mon-jemer | |||
Códigu Glottolog | aust1305 | |||
| ||||
Ver tamién Idioma - Families - Clasificación de llingües | ||||
[editar datos en Wikidata] |
Estes llingües tán distribuyíes por rexones onde amás se falen llingües d'otres families. Ta bastante estendida la creencia de que les llingües austroasiátiques son les llingües autóctones del sureste asiáticu según del este de la India, y que les otres llingües de la rexón, inclusive les indoeuropees, les tai-kadái, y les llingües sino-tibetanes, llegaron ellí como resultáu de movimientos poblacionales posteriores. Dellos llingüistes, siguiendo los planteamientos de Schmidt (1906), suxuren que les llingües austroasiátiques pueden tar emparentaes coles austronesies, formando asina la supuesta superfamilia áustrica, sicasí, esti planteamientu nun gocia de consensu.
Los llingüistes estremen ente dos grandes divisiones de llingües austroasiátiques, les mon-khmer, tamién llamaes mon-camboyanes del sureste asiáticu y les llingües munda del centru y del este central de la India.