Lindsey Vonn
esquiadora alpina estauxunidense / From Wikipedia, the free encyclopedia
Lindsey Vonn (18 d'ochobre de 1984, Saint Paul)[6] (Lindsey Kildow antes de casase) ye una esquiadora d'Estaos Xuníos que ganó 1 Medaya d'Oru Olímpico (2 Medayes en total), 2 Campeonatos del Mundu (7 Medayes en total), 4 Xenerales de la Copa del Mundu (y 16 Copes del Mundu en distintes disciplines) y tien 77 victories na Copa del Mundu d'Esquí Alpín (con un total de 130 podios).
Ye la esquiadora con mayor númberu de victories na historia de la Copa del Mundu d'Esquí Alpín (superando a Annemarie Moser-Pröll con 62), y alcuéntrase a 9 trunfos del récor absolutu del suecu Ingemar Stenmark (86), según el mayor númberu de victories tamién na disciplina de Descensu (39) y de Super Xigante (27). Amás ostenta victories en toles disciplines alpines.
Na so meyor temporada hasta la fecha (la 2011/12), consiguió 12 victories parciales (5 Descensos, 4 Super Xigantes, 2 Eslalon Xigantes y 1 Combinada).