esplorador estauxunidense (1880–1951) From Wikipedia, the free encyclopedia
Lincoln Ellsworth (12 de mayu de 1880, Chicago – 26 de mayu de 1951, Nueva York) foi un esplorador polar de los Estaos Xuníos.
Lincoln Ellsworth![]() | |
---|---|
![]() | |
Vida | |
Nacimientu | Chicago[1], 12 de mayu de 1880[2] |
Nacionalidá |
![]() |
Muerte | Nueva York[1], 26 de mayu de 1951[2] (71 años) |
Familia | |
Padre | James Ellsworth |
Estudios | |
Estudios |
The Hill School (es) ![]() |
Llingües falaes | inglés[3] |
Oficiu | esplorador, inxenieru, aviador |
Premios |
ver
|
IMDb | nm3111299 |
![]() |
Fíu de James Ellsworth y d'Eva Frances Butler, nació en Chicago, Illinois. De neñu tamién vivió en Hudson, Ohio.
James, el padre de Lincoln Ellsworth, yera un home ricu gracies a la minería del carbón, apurrió 100 000 dólares de los EE.XX. para financiar a Roald Amundsen en 1925 nel so intentu por volar dende les islles Svalbard al Polu Norte. L'avión viose obligáu a baxar sobro'l xelu nun puntu cercanu al so oxetivu, y los esploradores pasaron trenta díes atrapaos nel xelu.
En 1926 Ellsworth acompañó a Amundsen nel so segundu intentu de volar sobro'l Polu nel Norge, un dirixible, diseñáu y pilotáu pol inxenieru italianu Umberto Nobile, nun vuelu que partió nuevamente dende les islles Svalbard hasta Alaska. El 12 de mayu, columbraron el Polu Norte Xeográficu, siendo la primer vegada na historia que se sobrevoló.
Ellsworth fixo cuatro espediciones a L'Antártida ente 1933 y 1939, utilizando como base y tresporte del so avión un antiguu barcu pesqueru noruegu que bautizó col nome de Wyatt Earp que yera'l so héroe.[5]
Xunto al pilotu Herbert Hollick-Kenyon, Lincoln Ellsworth completaría el primer vuelu transantártico de la historia. Con cuatro paraes a lo llargo de la ruta, el vuelu cubrió 2200 milles con un tiempu trescurríu d'aproximao 20 hores. El vuelu trasantárticu foi'l vuelu más llargu na historia de L'Antártida, nun se volvió a repitir hasta xineru de 1956. L'ésitu del vuelu en condiciones tan estremes foi la resultancia d'una combinación d'un bon avión, pilotáu por un home con habilidaes de pilotu y saléu, xunto con una gran cantidá de coraxe y pura suerte.
El 23 de payares de 1935, afayó los montes Ellsworth na L'Antártida nel intre d'un vuelu que realizó dende la islla Dundee hasta la barrera de xelu de Ross.
Él bautizó esos montes como cordal Sentinel, nome que s'asignó más tarde a la metá norte de los montes Ellsworth.
El monte Ellsworth y el llagu Ellsworth, dambos en L'Antártida, fueron nomaos más tarde nel so honor.
En 1927 los Boy Scouts d'América nomaron a Ellsworth «Scout d'Honor», una nueva categoría de Scout creada esi mesmu añu. Esta distinción taba destinada a los "ciudadanos que los sos llogros na actividá al campu, la esploración y l'aventura fueren de calter tan escepcional como para prindar la imaxinación de los neños ...". Los otros dieciocho homes que s'axudicaron esta distinción fueron: Roy Chapman Andrews, Robert Bartlett; Frederick Russell Burnham, Richard E. Byrd, George Krück Cherrie; James L. Clark, Merian C. Cooper, Louis Agassiz Fuertes; George Grinnell Aves; Charles A. Lindbergh; Donald Baxter MacMillan; Clifford H. Papa; George Palmer Putnam, Kermit Roosevelt, Carl Rungius; Stewart Edward White, Orville Wright. El Serviciu Postal de los Estaos Xuníos emitió un sellu cola so imaxe.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.