From Wikipedia, the free encyclopedia
León Roldós Aguilera (21 de xunetu de 1942, Guayaquil)[2] ye un abogáu y políticu ecuatorianu.
Nació en Guayaquil el 21 de xunetu de 1942. Ye'l cuartu hermanu d'una familia fuertemente comprometida colos asuntos públicos. Los Roldós Aguilera son una de les cañes ecuatorianes de la familia Roldós[3] d'orixe catalán enraigonada en Vilassar de Mar (Cataluña) dende va sieglos. El so güelu yera'l vilassanés Jaume Roldós Baleta (1861-1927)[4] aportáu al puertu de Guayaquil l'añu 1875 y establecíu definitivamente nel Ecuador.
Estudió derechu na Universidá de Guayaquil.[5] Foi Secretariu del Conceyu de Guayaquil, sol Alcalde Asaad Bucaram, del partíu populista Concentración de Fuercies Populares.
Prauticó derechu, foi profesor universitariu, y foi abogáu y asesor d'instituciones financieres. Darréu, foi electu Decanu de la Facultá de Derechu de la Universidá Llaica Vicente Rocafuerte.
En 1979, el so hermanu, Jaime Roldós Aguilera foi electu Presidente del Ecuador, como líder del partíu populista Concentración de Fuercies Populares. León Roldós foi nomáu Presidente de la Xunta Monetaria en 1979.
Cuando'l presidente Jaime Roldós morrió xunto cola so esposa Martha Bucaram nun accidente aviatorio el 24 de mayu de 1981. El Congresu Nacional escoyó a León Roldós como vicepresidente, pa completar el periodu constitucional (1981-1984), Osvaldo Hurtado Larrea el Vicepresidente constitucional asumió la presidencia. León Roldós nun tuvo una bona rellación col Presidente Hurtado, habiéndose opuestu a delles de les sos midíes de política económica, ente ellos la "sucretización" (por aciu la cual l'Estáu ecuatorianu asumió les cuantiosas perdíes por riesgu cambiario derivaes de la delda esterna contraida por empresarios privaos).
El 31 d'ochobre de 1994, León Roldós foi electu Rector de la Universidá de Guayaquil, onde se desempeñó por dos periodos, lo que foi llargamente vistu como una revitalización d'esti centru d'educación cimera.
León Roldos postulóse como candidatu a la Presidencia del Ecuador en 1992 pol Partíu Socialista Ecuatorianu, y la segunda vegada en 2002 como candidatu independiente cuando algamó'l tercer llugar y perdió per pequeñu marxe'l derechu a pasar a la segunda vuelta. Tamién se desempeñó como diputáu al Congresu Nacional pola Provincia de Guayas en delles oportunidaes.
N'agostu de 2006 inscribió la so candidatura a la Presidencia pa les eleiciones del 15 d'ochobre, como candidatu de l'alianza ente'l movimientu "Rede Etica y Democracia" y el partíu social-demócrata Izquierda Democrática. Nes encuestes d'opinión efectuaes n'agostu de 2006, apaecía como'l candidatu col mayor sofitu, con alredor del 22 % de la intención de votu, siguíu de cerca por Rafael Correa que tenía'l 19% de les preferencies eleutorales. Sicasí, nes eleiciones presidenciales del ochobre de 2006 Roldós solo llogró'l 14.91% frente al 22.89% de Correa y el 26.64% de Noboa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
.jpg)
