cantante d'Estaos Xuníos From Wikipedia, the free encyclopedia
Margaret LeAnn Rimes (28 d'agostu de 1982, Jackson) ye una actriz y cantante de música country d'Estaos Xuníos. Ye ganadora del premiu Grammy, como Artista Revelación del Añu, a los 14 años d'edá, convirtiéndose nuna de les persones más jovenes na historia de la música en ganar un Grammy.
LeAnn Rimes | |
|---|---|
 | |
| Vida | |
| Nacimientu | Jackson[1], 28 d'agostu de 1982[2] (42 años) |
| Nacionalidá |
 Estaos Xuníos |
| Llingua materna | inglés |
| Familia | |
| Casada con |
Dean Sheremet (2002 – 2010) Eddie Cibrian (2011 – ) |
| Estudios | |
| Llingües falaes | inglés |
| Oficiu | cantante, actriz, compositora de cantares |
| Llugares de trabayu | Nashville |
| Premios |
ver
|
| Nominaciones |
ver
|
| Xéneru artísticu |
pop Country |
| Mena de voz | sopranu |
| Instrumentu musical | voz |
| Discográfica | Curb Records |
| IMDb | nm0005361 |
| leannrimesworld.com | |
 | |
Nacida en Jackson, Mississippi pero creciendo en Garland, Texas, LeAnn empezó a cantar siendo una neña, presentándose a tolos concursos locales de nuevos talentos. Con 11 años, edita'l so primer álbum pa un sellu independiente, Nor Va Jak.
Esi mesmu añu, Bill Mack, un Dj de Dallas y promotor de discos, escucha a Rimes ya impresionáu pol so talentu, decide #ayudar y empiecen a trabayar nun discu. La piedra angular del plan de Mack yera un cantar llamáu "Blue" qu'él escribiera nos 60’. Mack sostenía qu'escribiera la tema pa Patsy Cline, pero ella morriera antes de grabalo.
Mientres 1995, la carrera de Rimes siguió xubiendo, realizando más de 100 conciertos y apaeciendo nes televisiones de Texas. Mack igua un contratu con Curb Records, y sería esti sellu'l qu'editaría'l single “Blue” sol reclamu de que'l Dj esperara más de 30 años p'atopar a la vocalista aparente. Lo cierto ye qu'esto yera toa una desaxeración, "Blue" fuera grabáu por siquier trés artistes distintos.
Sicasí'l rumor corrió por tol país, llegando a la prensa musical, qu'incluyó nel mitu'l fechu de que Rimes yera la socesora de Cline. "Blue" y l'álbum del mesmu nome que-y acompañó se convirtió n'unu de los ésitos más grandes del branu de 1996. Como yá lo fixeren Tanya Tucker y Brenda Lee primero que ella, consiguió ésitu col single de presentación siendo non más qu'una adolescente.
En 1996, LeAnn debuta col discu “Blue”. La so voz bien paecida a la de Patsy Cline y el fechu de que LeAnn Rimes editó esti álbum con tan solo 13 años d'edá llamaron l'atención de los siguidores del country en tou Estaos Xuníos. L'álbum vendió más de seis millones nel país, siendo unu de los discos más vendíos de 1996.
En 1997, con 14 años d'edá, ye gallardoniada col prestixosu premiu Grammy, como Artista Revelación del Añu, convirtiéndose na persona más nueva na historia de la música en ganar un Grammy.
En setiembre de 1997, publica'l so segundu álbum d'estudiu You Light Of My Life: Inspirational Songs, que debuta direutamente nel númberu unu nel llistáu Billboard 200, y conviértese n'unu de los discos más vendíos del añu. Del discu esprende'l senciellu "How Do I Live", que tuvo enorme ésitu mundial, vendiendo solo n'Estaos Xuníos más de tres millones d'exemplares. Nel 2009, el cantar foi allugada nel cuartu llugar, nel llistáu Hot 100 de tolos tiempos.
En 1999 foi convidada especial del programa de Televisión de Dives Live in New York ´99, cantando la so single "How Do I Live" y faciendo dueto especial con Elton John, y compartiendo l'escenariu con lleendes de la música, como Whitney Houston, Cher, Tina Turner, Brandy, Chaka Khan, ente otres.
En 2000 participa con cuatro canciones na banda sonora de la película Coyote Ugly (El Chigre Coyote, n'España). La so tema "Can't Fight the Moonlight" representa un momentu álgido de la película.
A partir d'entamos d'esta década, tuvo esitosos álbumes, encimentando la so carrera nel Country o Folk d'Estaos Xuníos.
"Blue" debutó nel númberu trés de les llistes, vendiendo alredor de 123 mil copies solo na so primer selmana. Leann Rimes sale nomada pa los premios Country Music Association Horizon y CMA como Meyor "Cantante Country", siendo la cantante más nueva de la hestoria en consiguir una nominación pa la CMA, anque nun llegó a consiguir el premiu.
Dempués de dos discos que nun llegaron a cuayar en 1997 ("Unchained Melody: The Early Years" y "You Light Up My Life: Inspirational Songs") el so siguiente discu relevante sería l'editáu nel añu 1998 “Sittin' on Top of the World” col qu'empezaría a desvenceyase del soníu country.
Nel 2003 editóse un recopilatorio de 19 cantares que van del country al pop, dos d'elles inédites y la postrera una versión del clásicu navidiegu "Silent Night".
Nel 2007 foi escoyida por Bon Jovi pa interpretar el cantar Till We ain't Strangers Anymore y faer un dúu con Jon.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
