Laredo

Laredo (Laredu en cántabru)^[2][3] ye un conceyu español de la Comunidá Autónoma de Cantabria, asitiáu na parte oriental de la mesma y xunto al Mar Cantábricu. Tien una población de 10 849 hab. (2023)^[4][5].

Laredo
Alministración
País	España
Autonomía	Cantabria
Partíu xudicial	Laredo
Tipu d'entidá	conceyu de Cantabria
Alcaldesa de Laredo	Rosario Losa Martínez
Nome oficial	Laredo (es)[1]
Códigu postal	39770
Xeografía
Coordenaes	43°24′52″N 3°24′36″W
Laredo Laredo (España)
Superficie	15.71 km²
Altitú	5 m
Llenda con	Santoña, Escalante, Bárcena de Cicero, Colindres, Limpias y Liendo
Demografía
Población	10 849 hab. (2023) - 5217 homes (2019) - 5808 muyeres (2019)
Porcentaxe	1.86% de Cantabria
Densidá	690,58 hab/km²
Más información
Estaya horaria	UTC+01:00
Llocalidaes hermaniaes	Cenon y Laredo
laredo.es

Na cabeza comarcal del baxu Asón, y como tal empresta servicios a los sos conceyos axacentes (Colindres, Limpias, Bárcena de Cicero, Liendo, Ampuero, etc.).

Ta asitiáu na boca oriental del ríu Asón, na so mayor parte nun estensu arenal de más de 5 km nomáu La Salvé. Poro, la so superficie ye mayoritariamante llana y arenosa; anque alredor d'ella apaecen tarrenos allomaos. La mayor parte del territoriu ta ocupáu por edificaciones, anque ye común l'apaición de viesques d'ocalitos, pinos y castaños, así como vexetación dunar n'arees de sablera.

Económicamente, tien pasao de vivir hai poco más de 30 años de la pesca a vivir del sector servicios. Dientro del sector servicios tien mención especial la hostelería, a la que se dedica una parte importante de la población activa, y destinada a cubrir les necesidaes de les numberoses persones que visiten la villa, sobremanera en época braniega. De fechu, Laredo ye un referente del turismu de sol y sablera nel norte de la Península.^{[ensin referencies]} La industria municipal ta basada na tresformación de los productos pesqueros, sobremanera de l'anchoa, y na pequeña empresa familiar. El primariu foi perdiendo importancia anque tovía son munchos los laredanos que se dediquen a esti tipu de trabayu.

La so historia vien definida pol so antiguu esplendor como llocalidá venceyada al Mar Cantábricu. Dientro del so nucleu urbanu son comunes les cases solariegues blasonaes y numberosos centros relixosos, onde rescampla la ilesia gótica del sieglu XIV Santa María de la Asunción.

Llocalidaes

• La Arenosa
• El Callejo
• Las Cárcobas
• Las Casillas
• Laredo (capital)
• La Pesquera
• Tarrueza
• Villante

Llocalidaes hermaniaes

Les ciudaes hermaniaes con Laredo son:

• Laredo ( Estaos Xuníos)^[6]
• Cenon (dende 1988) ({{Xeodatos Bordeaux Métropole ^(es) | bandera iconu-país | nome = Bordeaux Métropole ^(es) | variante = | tamañu = | alt = }})

Ver tamién

• Pa ver otros sitios col mesmu nome: Laredo (Texas)
• Persones de Laredo

Referencies

1. Afirmao en: Llista de Conceyos y los sos Códigos por Provincies a 1 de xineru de 2019. Data d'espublización: 8 febreru 2019. Editorial: Institutu Nacional d'Estadística.
2. https://issuu.com/revistalrd/docs/revista_laredu_baja
3. https://hozir.org/comarca-municipiu--municipio.html
4. Afirmao en: Padrón municipal d'España de 2023. Autor: Institutu Nacional d'Estadística. Data d'espublización: 13 avientu 2023.
5. oficina de rexistru
6. URL de la referencia: https://www.cityoflaredo.com/SisterCities/SisterCityIndex.htm.

Enllaces esternos

• Wikimedia Commons acueye conteníu multimedia sobre Laredo.

• Sitiu web oficial

• Laredo n'OpenStreetMap.

• Datos: Q828955
• Multimedia: Laredo (Cantabria)