periódicu gallegu From Wikipedia, the free encyclopedia
La Voz de Galicia ye'l cuartu periódicu d'España con una audiencia de 530.000 llectores en tol país, según datos de la última folada del Estudiu Xeneral de Medios de 2018. Nel territoriu gallegu ye la cabecera hexemónica: seis de cada diez gallegos escueyen diariamente La Voz pa informase. La so edición dixital ye la primer web informativa de la comunidá con más de 11 millones d'usuarios mensuales. Amás, La Voz supera'l millón de siguidores nes principales redes sociales.
| La Voz de Galicia | |
|---|---|
 | |
 | |
| Datos | |
| Tipu | diariu |
| Fundación | 1882 |
| Idioma | castellanu y gallegu |
| Estáu |
 España |
| Sede | A Coruña |
| Formatu |
berlinés (es)  |
| Fundador | Juan Fernández Latorre |
| Páxina web | lavozdegalicia.es |
 | |
Fundáu en 1882, ye la matriz del primer grupu multimedia gallegu, la Corporación Voz de Galicia, con presencia en tolos campos de la comunicación y del que formen parte, amás de La Voz de Galicia, Radio Voz, Voz Audiovisual, Sondaxe, La Voz de Asturias, Canal Voz, Galicia Editorial, Distribuidora Gallega de Publicaciones.
Nos sos 137 años d'historia, La Voz caracterizóse pola so continua tresformamientu tecnolóxica pa tar siempre na vanguardia informativa. Nesta llinia, a principios de 2019 el diariu acometió una fonda reorganización cola integración total de les redaiciones de la edición impresa y la dixital p'adaptase al nuevu escenariu nel que se mueve'l sector de la prensa y al cobru por conteníos que s'estrenó n'abril del mesmu añu.
La Voz de Galicia ñaz en 1882 por Juan Fernández Latorre como un periódicu republicanu, progresista y llibrepensador.[1] Mientres la Primer Guerra Mundial les sos posiciones tuvieron ente la neutralidá y una aliadofilia "de facto".[2] Consolidáu yá nos años de la Segunda República con un espardimientu de más de 20 000 exemplares,[3] ye na década de los sesenta, cola llegada a la xerencia de Santiago Rey Fernández-Latorre, cuando La Voz entama la so espansión, llogrando dellos finxos: acomete una renovación técnica, supera los 100.000 exemplares d'espardimientu diariu, convirtióse nel sestu periódicu d'España con mayor audiencia y crea'l sistema d'ediciones que da cobertoria a toa Galicia.[4] En 1885 creara la Biblioteca Gallega, una editorial coles mires de sopelexar la obra d'escritores gallegos.[5]
Na década de los ochenta avanza escontra la so conversión en grupo multimedia, favoreciendo la posterior ñacencia de la Corporación Voz de Galicia,[6] qu'opera güei en tolos campos de la comunicación y encara el sieglu XXI con una amplia diversificación y con una llinia editorial basada na pluralidá, l'equilibriu y l'oxetividá. La so actividá concrétase diverses empreses:
El 7 de payares de 1997 constituyóse la Fundación Santiago Rey Fernández-Latorre, refundada nel añu 2001 pa dar continuidá a la propiedá y a la llinia editorial de La Voz de Galicia y del so grupu d'empreses. Les actividaes de la Fundación tán empobinaes a la puesta en marcha de programes educativos y formativos rellacionaos cola comunicación. Esi llabor de realizó en dellos niveles de la enseñanza, incluyida la formación calidable pa profesionales de los medios y de la educación.
Coincidiendo cola celebración del Día de les Lletres Gallegues n'honor al escritor Manuel Murguía, el 17 de mayu de 2000 salió a la lluz el sitiu web de La Voz de Galicia. Ye la páxina web más consultada de Galicia, con más de 66 millones de páxines vistes en xunetu de 2019 y 11,5 millones d'usuarios, según datos de Google Analytics.
La Voz de Galicia dixital, tien trés característiques relevantes nel so sitiu web (www.lavozdegalicia.es):
Nel añu 2015, lavozdegalicia.es apostó pol periodismu de proximidá cola publicación de 313 webs hiperlñocales[10], cola actualidá y la información de serviciu de tolos conceyos de Galicia. En mayu de 2016, punxo'l focu d'atención sobro'l llinguaxe audiovisual reforzando l'equipu d'edición lo qu'en pocos meses dexó amontar l'audiencia de videu de 200.000 visionaos mensuales a más de dos millones.
Dende xineru de 2019, La Voz de Galicia integró la redaición dixital y la de la edición impresa nun únicu equipu que produz conteníos pa dambos soportes.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
