From Wikipedia, the free encyclopedia
Karrantza ye un conceyu español asitiáu nel estremu occidental de la contorna de Les Encartaciones, provincia de Vizcaya, comunidá autónoma del País Vascu. Llenda colos conceyos vizcainos de Trucios, Arcentales y Lanestosa; colos conceyos cántabros de Valle de Villaverde, Rasines, Ramales de la Victoria y Soba; y colos conceyos burgaleses de la Merindad de Montija y el Valle de Mena.
![]() | |||||
---|---|---|---|---|---|
![]() | |||||
| |||||
Alministración | |||||
País | ![]() | ||||
Autonomía | ![]() | ||||
Provincia | ![]() | ||||
Comarcas (es) ![]() | Las Encartaciones (es) ![]() | ||||
Partíu xudicial | Balmaseda | ||||
Tipu d'entidá | conceyu d'España | ||||
Alcalde de Carranza (es) ![]() | Raúl Palacio Portillo | ||||
Nome oficial |
Karrantza Harana (eu)[1] Valle de Carranza (es)[2] | ||||
Nome llocal |
Carranza (es) Karrantza (eu) | ||||
Códigu postal |
48891 y 48890 | ||||
Xeografía | |||||
Coordenaes | 43°12′21″N 3°21′48″W | ||||
| |||||
Superficie | 137.66 km² | ||||
Altitú | 155 m | ||||
Llenda con |
Ramales de la Victoria, Rasines, Turtzioz, Valle de Villaverde, Artzentales, Valle de Mena, Merindad de Montija, Soba y Lanestosa
| ||||
Demografía | |||||
Población |
2713 hab. (2023) - 1437 homes (2019) - 1341 muyeres (2019) | ||||
Porcentaxe |
100% de Las Encartaciones (es) ![]() 0.24% de Vizcaya 0.12% de País Vascu 0.01% de España | ||||
Densidá | 19,71 hab/km² | ||||
Más información | |||||
Fundación | 1287 | ||||
Prefixu telefónicu |
946 | ||||
Estaya horaria | UTC+01:00 | ||||
Llocalidaes hermaniaes |
Meharrize (es) ![]() | ||||
karrantza.org | |||||
![]() |
El ríu principal ye'l ríu Carranza, qu'arrama les sos agües nel Asón. Otros ríos menores del valle son los ríos Secu, Callejo, de les Escaleres, Bernales, Cuadru y Presa.
El conceyu, el más estensu de tola provincia, cuenta con cerca de cincuenta pequeños barrios esvalixaos a lo llargo y anchu del valle, ente los que destaca Ambasaguas, el más pobláu, que cunta cola estación de tren de Carranza, y Concha, onde s'atopa'l conceyu.
Nel valle de Carranza atópase un ensame de monumentos megalíticos como dólmenes o túmulos. En 1904 fueron afayaos los grabaos de la cueva de Ventalaperra, nel barriu de Molinar, amás d'otros restos arqueolóxicos n'enclaves del mesma redolada estudiaos a principios del sieglu XX por J. M. Barandiarán.
Carranza apaez yá nomáu como Carrantia na Crónica d'Alfonsu III como llugar repobláu mientres el reináu d'Alfonsu I (sieglu VIII).
Partíu políticu | 2015[3] | 2011[4] | 2007[5] | 2003[6] | 1999[7] | 1995[8] | 1991[9] | |||||||
---|---|---|---|---|---|---|---|---|---|---|---|---|---|---|
Votos % | Conceyales | Votos % | Conceyales | Votos % | Conceyales | Votos % | Conceyales | Votos % | Conceyales | Votos % | Conceyales | Votos % | Conceyales | |
Karrantza Zabala (KZ) | 50,37 | 6 | 38,52 | 5 | 30,86 | 3 | - | - | - | - | - | - | - | - |
Partíu Nacionalista Vascu (EAJ-PNV) | 43,72 | 5 | 40,23 | 5 | 54,31 | 7 | - | - | - | - | 31,91 | 4 | 32,87 | 4 |
Euskal Herria Bildu (EH Bildu) / Bildu | 3,46 | 0 | 13,06 | 1 | - | - | - | - | - | - | - | - | - | - |
Partíu Socialista d'Euskadi-Euskadiko Ezkerra (PSE-EE) | 1,06 | 0 | 5,31 | 0 | 2,11 | 0 | 0,95 | 0 | 1,09 | 0 | 4,26 | 0 | 2,38 | 0 |
Partíu Popular (PP) | 0,59 | 0 | 1,72 | 0 | 1,63 | 0 | 1,68 | 0 | 0,37 | 0 | 3,01 | 0 | - | - |
Iniciativa Carranza-Karranza Aurrera (IC-KA) | - | - | - | - | 8,68 | 1 | 25,34 | 3 | - | - | - | - | - | - |
Eusko Alkartasuna (EA) | - | - | - | - | 1,21 | 0 | - | - | - | - | 5,87 | 0 | 4,01 | 0 |
Partíu Nacionalista Vascu/Eusko Alkartasuna (PNV/EA) | - | - | - | - | - | - | 70,63 | 8 | 43,66 | 5 | - | - | - | - |
Candidatura Independiente de Carranza (CIC) | - | - | - | - | - | - | - | - | 39,92 | 5 | 40,84 | 6 | 50,26 | 6 |
Euskal Herritarrok (EH) | - | - | - | - | - | - | - | - | 13,18 | 1 | - | - | - | - |
Ezker Batua-Berdeak (EB-B) | - | - | - | - | - | - | - | 0,14 | 0 | - | - | - | - | |
Herri Batasuna (HB) | - | - | - | - | - | - | - | - | - | - | 12,77 | 1 | 10,02 | 1 |
Carranza ye un conceyu eminentemente rural, con una gran importancia del sector primariu y especialmente de la ganadería, anque nos últimos tiempos cobró especial relevancia'l turismu y la industria rellacionada col primer sector (ganadería).
Nes peñes de Ranero atópase la cueva de Pozalagua, qu'alluga la mayor concentración d'estalactites escéntriques del mundu. Na so contorna asítiase la Torca del Carlista, que ye la torca más grande d'Europa y la segunda más grande del mundu. Esta torca solo ye accesible pa espeleólogos.
El barriu de Biáñez acueye un centru d'abelugu d'animales monteses y parque temáticu llamáu Karpin Abentura, que cunta cola área con retruques de dinosaurios Terrasauro, y el parque ecolóxicu con animales ibéricos Animalia.
Otros llugares d'interés son el Muséu de la Ilesia de San Andrés de Biáñez, la ermita d'El Santu, el Palaciu de Villapaterna, el Palaciu Trevilla (conocíu tamién como palaciu de Prieto de Ahedo), el Palaciu Vicariu, o l'antigua casa-torre Elkano.
Ente los recursos naturales más reseñables del Valle de Carranza asítiase la redolada de Ranero y Armañón, declaráu Parque Natural en setiembre de 2006.
Per otra parte, los montes de Ordunte fueron catalogaos como Llugar d'Interés Comuñal y apocayá incluyíos na Rede Natura 2000. Los montes de Ordunte son reconocíos pola so riqueza natural, y por allugar un ecosistema de peculiares carauterístiques, coles güelgues y esfagnales de Salduero, y ensame d'especies animales y vexetales protexíes. Destaca la presencia de la Drosera, una planta carnívora.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.