From Wikipedia, the free encyclopedia
James Oliver Cromwell (27 de xineru de 1940, Los Angeles) ye un actor d'Estaos Xuníos, conocíu tamién por ser un defensor de los animales, vexetarianu dempués d'actuar na película Babe y dase cuenta de cómo se trataba a los animales nes granxes. En 2013 ganó un Emmy pol so papel de Dr. Arden en American Horror Story: Asylum.
James Cromwell | |
|---|---|
 | |
| Vida | |
| Nacimientu | Los Angeles, 27 de xineru de 1940[1] (84 años) |
| Nacionalidá |
 Estaos Xuníos |
| Residencia |
Warwick (es)  |
| Llingua materna | inglés |
| Familia | |
| Padre | John Cromwell |
| Madre | Kay Johnson |
| Casáu con | Julie Cobb (1986 – 2005) |
| Estudios | |
| Estudios |
Universidá Carnegie Mellon The Hill School (es) Middlebury College (es) HB Studio (es) |
| Llingües falaes | inglés[2] |
| Oficiu | actor de televisión, actor de cine, actor de xéneru, actor de teatru, actor de voz, actor |
| Altor | 2010 mm |
| Trabayos destacaos |
Babe Six Feet Under |
| Premios |
ver
|
| Nominaciones |
ver
|
| Movimientu |
movimiento de liberación animal (es) [3] |
| Creencies | |
| Partíu políticu | Partíu Demócrata |
| IMDb | nm0000342 |
 | |
Nació en Los Angeles (California), en 1940, pero bien llueu foi lleváu a Manhattan (Estaos Xuníos) onde pasó parte de la so infancia. Tien ascendencia inglesa.
Fíu adoptivu del actor y direutor John Cromwell y de l'actriz Kay Jonson, recibió parte de la so educación nel Middlebury College y nel Carnegie Institute of Technology. Finalmente, al llegar a la Carnegie Mellon University decidió siguir los pasos de los sos padres y optó por estudiar interpretación.
Nun tardaron en llega-y los sos primeros papeles nel teatru, onde interpretó (al igual que los sos padres) toles obres de Shakespeare. Y amás probó suerte con diversos montaxes de corte un tanto esperimental.
Como nota interesada, comentar que nos sos entamos tuvo munchos problemes pa consiguir trabayos, por cuenta de la so estatura, 2 metros y un centímetru. Ello ye que foi l'actor nomáu a los Óscars, más altu na hestoria de l'Academia.
Nel añu 1974 dio'l saltu a la televisión apaeciendo regularmente en All in the Family onde interpretaba'l papel de Stretch Cunningham, l'eternu compinche de Archie Bunker na serie.
Protagonista pocu dempués de la serie, tamién pa TV Hot L Baltimore onde encarnaba a Bill Lewis, y nun sería hasta l'añu 1976 cuando participaría na so primer película como actor profesional, Murder by Death. Una comedia empobinada por Robert Moore, na qu'un excéntrico millonariu convidaba a los meyores detectives del mundu por que resolvieren un crime qu'entá taba por cometer se.
Mientres los siguientes años, alternó la so carrera ente'l cine y la televisión. Series pa TV como The Nancy Walker Show, Born to the Wind o Once an Eagle viéron-y pasar por elles y tamién podemos atopa-y en películes como Barefoot in the Park o The Man with Two Brains, casi siempres en pequeñes apaiciones onde pasaba desapercibíu.
Asina llegamos a La vengación de los novatos (1984) onde Anthony Edwards (de la serie de televisión Urxencies) protagoniza con Robert Carradine esta satírica representación de la vida universitaria y onde qué tanto, nun podía ser d'otra manera, James Cromwell interpretó otru papel secundariu.
Dende l'añu 1984 ábrese un periodu de tiempu, onde encarnó papeles en diverses producciones, una vegada más, moviéndose ente la TV y el cine. Ente les películes, tenemos toles continuaciones de La vengación de los novatos y tamién otres como Esploradores, onde James interpretó'l papel del Sr. Muller y con River Phoenix.
Llegamos a lo que puede considerase como'l llanzamientu a la fama de James Cromwell:
Primero foi Babe, una película modesta que-y valió una nominación al Óscar al meyor actor de repartu, onde interpretaba a un simpáticu granxeru empeñáu en que'l so gochu participara nel más importante certame de perros oveyeros del Reinu Xuníu.
Y de segundes, Star Trek: First Contact, nel papel del Dr. Zefram Cochrane, quiciabes unu de los sos meyores papeles. Amás, como interés, dicir que'l Dr. Zefram foi l'únicu personaxe de la saga qu'usó les pallabres Star Trek nuna de les sos frases.
Paez que James se vuelve más metódicu y empieza a escoyer los sos papeles más curioso. The People vs. Larry Flynt ye quiciabes el meyor exemplu d'ello. Pero ye n'añu 1997 onde s'amuesa'l so, pa dalgunos, meyor actuación hasta'l momentu, nel papel del capitán Dudley Smith na que puede considerase una de les meyores películes de los años noventa: L. A. Confidential.
Dende esi momentu, empiecen a llove-y papeles pa películes taquilleres que James acepta ensin duldar:
En Deep Impact, onde ye l'acabante dimitir asesor del presidente (Morgan Freeman) al qu'entrevista Jenny (Téa Leoni) al pie del so barcu mientres esti lo intenta cargar coles abondes provisiones pa escapar del meteoritu.
En RKO 281 onde apaez como William Randolph na hestoria onde Orson Welles (Liev Schreiber) llucha por sacar alantre'l so proyeutu Citizen Kane.
En The Green Mile como'l máximu responsable del corredor de la muerte, que la so muyer (Patricia Clarkson) taba ente la vida y la muerte. Finalmente ella sálvase por cuenta de la intervención divina de Coffey (Michael Clarke Duncan).
En La fía del xeneral como'l padre encubridor de la violación de la so propia fía, Elisabeth Campbell (Leslie Stefanson), a manes d'otros soldaos mientres unes maniobres de combate.
En Space Cowboys como'l direutor de la NASA Bob Gerson, enemistado hasta'l migollu col personaxe qu'interpreta Clint Eastwood.
En Llerza nuclear como'l presidente de los Estaos Xuníos, Robert Fowler. Esta foi la tercer vegada qu'interpretó'l papel de presidente d'Estaos Xuníos.
En I, Robot como'l doctor Alfred Lanning, creador de la robótica y de los sos trés lleis, asesináu pol robot Sonny a pidimientu so nun intentu de sollertar al detective Del Spooner (Will Smith) sobre la intriga en redol a USR.
En The Queen interpretó a Felipe d'Edimburgu, consorte de la reina Sabela II d'Inglaterra (Helen Mirren). L'argumentu xira en redol a la muerte de Diana de Gales y la so repercusión sobre la familia real británica.
Toos ellos, exemplos de los sos trabayos más relevantes. Tamién son destacables les sos últimes participaciones en películes como Spider-Man 3, Becoming Jane, W. o The Artist.
Formáu tamién como direutor nel Carnegie Tech, Cromwell dirixó en teatros permanentes de tol país y foi'l fundador y el direutor artísticu de la so propia compañía, Stage West, en Springfield (Massachusetts).
Tamién formó parte del repartu d'American Horror Story -Assylum- na so segunda temporada que s'estrenó n'Estaos Xuníos el 17 d'ochobre de 2012, xunto a Jessica Lange, Joseph Fiennes, Lily Rabe, Adam Levine, Zachary Quintu, Evan Peters, ente otros.
Tocantes a la so vida personal, tuvo casáu cola tamién actriz Julie Cobb ente 1986 y 2006.[4] Enantes tuvo una rellación d'una década con Anne Ulvestad, cola que tuvo tres fíos. Confiésase vexetarianu y cree na esistencia de vida intelixente más allá del nuesu planeta. El 1 de xineru de 2014, casóse cola actriz Anna Stuart na casa de la estrella Charles Keating.
Como persona, Cromwell ye un lliberal convencíu, que sofita bien de causes. Ye veganu, tien una llucha abierta contra la crueldá y el maltratu a los animales. Fechu esti postreru, pol que foi arrestáu en xunetu del 2003, xunto a otros cuatro activistes del grupu PETA por intentar boicotiar un restorán de la cadena de comida rápida Wendy’s mientres una manifestación a favor de los derechos de los animales en Virxinia. Mientres 5 hores permaneció deteníu na comisaría por negase a confesar la so identidá.[5][6] Salió en llibertá en pagando $100 pola aición nocriminal y $263,50 de costu xudicial.[7]
| Añu | Títulu | Rol | Notes |
|---|---|---|---|
| 1974 | The Rockford Files | Terry | Episodiu: "The Countess" |
| 1974 | All in the Family | Stretch Cunningham | 3 episodios |
| 1974 | Maude | Alfie | Episodiu: "Last Tango in Tuckahoe" |
| 1975 | Hot l Baltimore | Bill Lewis | 13 episodios |
| 1975 | Barbary Coast | Roy | Episodiu: "The Ballad of Redwing Jail" |
| 1976–1977 | The Nancy Walker Show | Glen | 13 episodios |
| 1977 | Police Story | Lutz | Episodiu: "Ice Time" |
| 1977 | M*A*S*H | Capitán Leo Bardonaro | Episodiu: "Last Laugh" |
| 1977 | Three's Company | Detective Lannigan | Episodiu: "Chrissy's Night Out" |
| 1977 | Barney Miller | Sgto. Wilkinson | Episodiu: "Group Home" |
| 1978 | Maude | Dr. Farrington | Episodiu: "The Obscene Phone Call" |
| 1978 | Alice | Detective Ralph Hilton | Episodiu: "Who Ordered the Hot Turkey?" |
| 1979 | Barney Miller | Neil Spencer | Episodiu: "Strip Joint" |
| 1979 | Eight Is Enough | Coach Pollard | Episodiu: "The Better Part of Valor" |
| 1979 | Diff'rent Strokes | Padre O'Brien | Episodiu: "Arnold's Hero" |
| 1979 | The White Shadow | Mr. Hamilton | Episodiu: "Mainstream" |
| 1980 | Flo | Leon | 2 episodios |
| 1980 | The White Shadow | Art Cummings | Episodiu: "The Death of Me Yet" |
| 1980 | Little House on the Prairie | Harve Miller | 2 episodios |
| 1981 | Barney Miller | Jason Parrish | Episodiu: "Liquidation" |
| 1982 | Nurse | Paul Moore | Episodiu: "A Place to Die" |
| 1982 | Father Murphy | Farley Webster | 2 episodios |
| 1984 | Buffalo Bill | Staunton McMoller | Episodiu: "Jerry Lewis Week" |
| 1984 | Gimme a Break! | Russell Cosgrove | Episodiu: "Class of '84" |
| 1984–1985 | Dallas | Gerald Kane | 3 episodios |
| 1985 | Night Court | Alan | Episodiu: "Nuts About Hurry" |
| 1985 | Family Ties | John Hancock | Episodiu: "Philadelphia Story" |
| 1985 | Riptide | Joey Dietz | Episodiu: "Girls Night Out" |
| 1985 | Hardcastle and McCormick | Jake Fellows | Episodiu: "Undercover McCormick" |
| 1985 | Knight Rider | Curtis | Episodiu: "Ten Wheel Trouble" |
| 1985 | Wildside | Fake Buffalo Bill | Episodiu: "Buffalo Who?" |
| 1985 | Hill Street Blues | Lowenhandler | Episodiu: "Grin and Bear It" |
| 1985 | Hunter | Seymour Robbins | Episodiu: "Sniper" |
| 1985 | The Twilight Zone (1985) | Obediah Payne | Episode: "A Message From Charity" |
| 1985–1986 | Scarecrow and Mrs. King | Gregory | 2 episodios |
| 1986 | Cuentos estelantes | Francis | Episodiu: "One for the Road" |
| 1986 | Magnum, P.I. | Policía francés | Episodiu: "Photo Play" |
| 1986–1987 | Easy Street | Quentin Standard | 22 episodios |
| 1988 | China Beach | Embaxador | Episodiu: "Pilot" |
| 1988 | Mr. Belvedere | Roy Gallagher | Episodiu: "Fat Cats" |
| 1988 | Mama's Boy | Lucky | 3 episodios |
| 1989 | Christine Cromwell | Arthur | Episodiu: "Things That Go Bump in the Night" |
| 1990 | Life Goes On | Bill Henderson | Episodiu: "Thacher and Henderson" |
| 1990 | Matlock | Judge Raymond Price | Episodiu: "Nowhere to Turn" |
| 1990 | Star Trek: The Next Generation | Prime Minister Nayrok | Episode: "The Hunted" |
| 1991 | The Young Riders | Jacob | Episodiu: "Peacemakers" |
| 1991 | Jake and the Fatman | Havilland | Episodiu: "It Never Entered My Mind" |
| 1993 | Star Trek: The Next Generation | Jaglom Shrek | 2 episodios |
| 1994 | Home Improvement | Fred | Episodiu: "My Dinner with Wilson" |
| 1995 | Picket Fences |
Episodiu: "Saint Zach" | |
| 1995 | Hawkeye | Unknown | Episodiu: "The Visit" |
| 1995 | Star Trek: Deep Space Nine | Hanok | Episodiu: "Starship Down" |
| 1995–1996 | Partners | Mr. Saxonhouse | 2 episodios |
| 1996 | Strange Luck |
Episodiu: "Healing Hands" | |
| 1996 | The Client | Oficial Joe Denton | Episodiu: "The High Ground" |
| 2001 | ER | Obispu Stewart | 4 episodios |
| 2001 | Star Trek: Enterprise | Dr. Zefram Cochrane | 2 episodios |
| 2001 | Citizen Baines | Senador Elliot Baines | 7 episodios |
| 2003 | Angels in America | Henry | 2 episodios |
| 2003–2005 | Six Feet Under | George Sibley | 27 episodios |
| 2004 | The West Wing | Presidente D. Wire Newman | Episodiu: "The Stormy Present" |
| 2007 | 24 | Phillip Bauer (padre de Jack) | 8 episodios |
| 2007 | Masters of Science Fiction | Randolph Ludwin | Episodiu: "Watchbird" |
| 2008 | My Own Worst Enemy | Apuntar Trumble | 6 episodios |
| 2009 | Impact | Lloyd | 2 episodios |
| 2010 | Sotto il Cielu di Roma | Papa Pío XII | 2 episodios |
| 2012–2013 | Boardwalk Empire | Andrew W. Mellon | 4 episodios |
| 2012–2013 | American Horror Story: Asylum | Dr. Arthur Arden | 10 episodios |
| 2013 | Do Non Harm |
3 episodios | |
| 2013–2014 | Betrayal | Thatcher Karsten | 13 episodios |
| 2014 | Murder in the First | Warren Daniels | 9 episodios |
| 2015 | Halt and Catch Fire | Jacob Wheeler | 2 episodios |
| Añu | Categoría | Película | Resultáu |
|---|---|---|---|
| 1995 | Meyor actor de repartu | Babe | Nomáu |
| Añu | Categoría | Película | Resultáu |
|---|---|---|---|
| 2000 | Meyor actor de reparto - Miniserie o telefilme | RKO 281 | Nomáu |
| 2001 | Meyor actor convidáu - Serie dramática | ER | Nomáu |
| 2003 | Meyor actor convidáu - Serie dramática | Six Feet Under | Nomáu |
| 2013 | Meyor actor de reparto - Miniserie o telefilme | American Horror Story: Asylum | Ganador |
| Añu | Categoría | Película | Resultáu |
|---|---|---|---|
| 1996 | Meyor repartu | L. A. Confidential | Nomáu |
| 1999 | Meyor repartu | The Green Mile | Nomáu |
| 2003 | Meyor repartu de TV - Drama | Six Feet Under | Nomáu |
| 2004 | Meyor repartu de TV - Drama | Six Feet Under | Nomáu |
| 2011 | Meyor repartu | The Artist | Nomáu |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
