Islla del Congresu
From Wikipedia, the free encyclopedia
La islla del Congresu ye una de los trés que formen el pequeñu archipiélagu africanu de les islles Chafarines, que constitúin una de les places de soberanía españoles africanes, atestando con Marruecos. Ye la más serrapatosa, elevada y estensa del grupu insular, [1] [2] ya históricamente sirvió de cárcel. [1] A pesar de ser posesión española, el so espaciu marítimu ta consideráu agües interiores marroquines al igual que l'espaciu de les otres places de soberanía españoles y el de les ciudaes autónomes de Ceuta y Melilla. [1] D'antiguo tuvo xunida a la vecina islla del Rei por aciu un muelle artificial, destruyíu polos temporales.[2] Anguaño ta despoblada y tien coneyos y una importante colonia de palombos selvaxes [2] que, alimentándose nel continente, añeren na islla.
Islla del Congresu | |
---|---|
Situación | |
Tipu | islla |
Parte de | Islles Chafarines |
Asitiáu en | mar Mediterraneu |
Coordenaes | 35°10′45″N 2°26′29″W |
Datos | |
Superficie | 0,256 km² |
Población | 0 |
Fusu horariu | UTC+01:00 |
El territoriu tien bien mal accesu. La so mariña occidental ta formada por cantiles bien verticales, ente que la oriental, anque serrapatosa, ye más accesible. La so morfoloxía ye predresa, siendo casi inesistente la tierra vexetal. Dispón d'una cueva nel so estremu meridional que dexa la entrada en barca.[2] La islla ta formada fundamentalmente por dos tipos de roques: andesitas piroxénicas con hyperssante na so base y traquiandesitas na so zones más altes.[3]