Islla Bird (Xeorxa del Sur)
islla de les Islles Xeorxa del Sur From Wikipedia, the free encyclopedia
La islla Bird (inglés: Bird Island), atópase nel estremu noroeste del archipiélagu de les islles Xeorxa del Sur. La islla ye namás accesible por aciu llanches o helicópteros.
| Islla Bird (Xeorxa del Sur) | |
|---|---|
 | |
| Situación | |
| País |  Reinu Xuníu |
| Designación para una entidá territorial alministrativa | territoriu británicu d'ultramar |
| Territoriu británicu |  Islles Xeorxa del Sur y Sandwich del Sur |
| Tipu | área protexida |
| Parte de |
San Pedro (Georgia del Sur) (es)  |
| Asitiáu en | Océanu Atlánticu |
| Coordenaes | 54°01′00″S 38°03′00″W |
  Islla Bird (Xeorxa del Sur) Islla Bird (Xeorxa del Sur) (Islla Xeorxa del Sur) | |
 Islla Bird (Xeorxa del Sur) Islla Bird (Xeorxa del Sur) (Océanu Atlánticu) | |
| Datos | |
| Puntu más altu |
Pico Roché (es) |
| Superficie | 3,4 km² |
| Población | 4 |
| Fusu horariu | UTC−04:00 |
| Llonxitú | 4,8 km |
 | |
La islla ye alministrada pol Reinu Xuníu como parte del territoriu de británicu de ultramar de les Islles Xeorxa del Sur y Sandwich del Sur, magar tamién ye reclamada pola República Arxentina que la considera parte del departamentu Islles del Atlánticu Sur dientro de la provincia de Tierra del Fueu, Antártida ya Islles del Atlánticu Sur.
Esta islla parcialmente nevada consta d'unos 4,8 km de llongura ente la punta Desdepedida (o Farewell) y la punta Pearson, y unos 800 metros d'anchu, con una área de 400 hai. Ta dixebrada por 500 m del cabu Alexandra de la islla San Pedro pol estrechu de La Roché (Bird Sound), y de les islles Verdant pol estrechu Stewart. Ta acompañada d'una trentena de castros.
El puntu más altu de la islla ye'l picu Roché, de 365 m s. n. m., destacando tamién el picu Stejneger de 209 m s. n. m., y el picu Gazella de 186 m s. n. m.
Ente los accidentes xeográficos más notables de la islla topen les ancones Johnson, Burton, Evermann, Jordan, Sooty, toes allugaes na so mariña sur. Destaquen tamién les estaques Cordall na so mariña norte.
Nel castru mas occidental al norte de la islla Bird ta unu de los puntos que determinen les llinies de base de la República Arxentina, a partir de les que se miden los espacios marítimos qu'arrodien al archipiélagu.[1][2]
Foi afayada en 1775 por una espedición británica al mandu de James Cook, quien la nomó asina pola gran cantidá d'aves que vio nella.
La islla Bird (Bird island) foi designada pol Reinu Xuníu como un sitiu d'especial interés científicu encuadráu na Falkland Island Dependencies Conservation Ordinance de 1975.
Tamién foi designada como un área especialmente protexida dientro del South Georgia Environmental Management Plan del gobiernu británicu qu'alministra les islles Xeorxa del Sur. Por esta razón esti gobiernu esixe'l so permisu pal ingresu de cualquier persona na islla, y el British Antarctic Survey tien de llograr añalmente la renovación del so permisu para caltener la so estación d'investigación.[3]
La Estación d'Investigación de "la Islla Bird del British Antarctic Survey" foi ocupada intermitentemente ente 1957 y 1982. La estación, que permaneció llibre de l'acción de les fuerces arxentines mientres la guerra de les Malvines en 1982, ye dende'l 22 de setiembre de 1982 una base d'ocupación permanente. El principal focu d'interés científicu son los llobos marinos antárticos y les aves marines. Mientres l'iviernu permanecen de normal 4 persones na base, 3 asistentes zoolóxicos y un técnicu de caltenimientu. Mientres el branu'l personal aumenta a 10.
Dacuando dalgún emplegáu de la base pue escuchase tresmitiendo en bandes de HF, radioaficionaos.
Ente los animales qu'habiten la islla atópense munches variedaes d'aves antártiques y subantártiques. La islla ye'l llar d'alredor de 50.000 pareyes reproductores de pingüinos, 14.000 pareyes d'albatros, 700.000 paínos nocherniegos (Pterodroma caribbaea) y 65.000 pareyes reproductores de foques.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
