![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/9f/Isabelle_Huppert_at_Berlinale_2024.jpg/640px-Isabelle_Huppert_at_Berlinale_2024.jpg&w=640&q=50)
Isabelle Huppert
actriz francesa / From Wikipedia, the free encyclopedia
Isabelle Anne Madeleine Huppert (16 de marzu de 1953, XVI Distritu de París), conocida como Isabelle Huppert ye una actriz francesa. Ye llargamente considerada una de les intérpretes más fines y prolífiques del cine européu, quien apaeció en más de 100 películes y producciones televisives dende'l so debú en 1971.[21]
Ye reconocida como l'actriz con más películes escoyíes pa la seición competitiva del Festival de Cine de Cannes, y dos veces reconocida como meyor intérprete por: Violette Nozière de Claude Chabrol en 1978 y La pianista de Michael Haneke en 2001. Ye l'actriz con más nominaciones al Premiu César, con 17 menciones en total, la primera como actriz de repartu na cinta Aloïse de 1976 y la más recién, en 2017, pola so participación en Elle. Foi condecorada cola Orde Nacional del Méritu nel grau de «Caballero» en 1994 y foi alzada al grau de «Oficial» en 2005, y cola Lexón d'Honor como «Caballero» en 1999 y xubida a «Oficial» en 2009.
Otramiente, foi homenaxada en dos causes nel marcu de Festival de Cine de Venecia pola so destacada participación nes cintes: Une affaire de femmes de 1988 y La ceremonia de 1995. El so rol protagonista en Madame Bovary de 1991, dio-y un gallardón nel Festival Internacional de Cine de Moscú.[22] Dalgunes de les sos principales cintes d'orixe francés son: Loulou de 1980, La separación de 1994, 8 muyeres de 2002, Gabrielle de 2005 y Amor de 2012; otramiente, el so trabayu espandióse en filmes d'Italia, Rusia, Europa Central y Asia. Dalgunos de los sos principales filmes n'idioma inglés son: Heaven's Gate de 1980, Estrañes coincidencies de 2004 y La desapaición de Eleanor Rigby de 2013.
En 2016, Huppert ganó nuevamente l'aplausu de la crítica especializada poles películes Elle y El porvenir, ganando la reconocencia de la Sociedá Nacional de Críticos Cinematográficos, del Círculu de Críticos de Nueva York y de l'Asociación de Críticos de Cine de Los Angeles. Pola so emponderada interpretación en Elle, l'actriz recibió'l Globu d'Oru y la so primer nominación al Óscar.