Iron Man 3
From Wikipedia, the free encyclopedia
Iron Man 3 ye una película estauxunidense sobre'l superhéroe Iron Man, de Marvel Comics, producida por Marvel Studios y distribuyida por Walt Disney Pictures. Ye la secuela de Iron Man (2008) y Iron Man 2 (2010), y ye la primer película cola que se dio entamu a la segunda fase del universu cinematográficu de Marvel, siendo'l primera gran estrenu de la franquicia dempués de The Avengers (2012) que foi la sesta y última película de la primer fase del yá mentáu universu cinematográficu.
Shane Black foi riquíu pa dirixir un guión escritu por él mesmu y Drew Pearce,[13][14] el cual ta basáu na historia Extremis de Warren Ellis. Robert Downey Jr. repite'l so papel como Tony Stark, con Gwyneth Paltrow y Don Cheadle repitiendo los sos papeles como Pepper Potts y James Rhodes, respeutivamente. Jon Favreau, quien dirixó les dos primeres películes, sirvió como productor executivu y repite como actor faciendo'l papel de Happy Hogan agora como supervisor de seguridá.
El repartu cunta coles incorporaciones de los actores Rebecca Hall, Guy Pearce y Ben Kingsley, interpretando a la Dra. Maya Hansen, una doctora que ye una de los creadores del virus Extremis; el Dr. Aldrich Killian, empresariu y primer suxetu n'esperimentar el Extremis, y El Mandarín, líder terrorista y principal villanu, respeutivamente.
La película foi estrenada'l 3 de mayu de 2013 n'Estaos Xuníos.[15] La premier foi'l 18 d'abril en Londres y el 24 d'abril empecipió l'estrenu nel restu de países, en Méxicu estrenó'l 26 d'abril.[16]Recibió reseñes xeneralmente positives de parte de la crítica y de l'audiencia y recaldó más de $1.200 millones contra un presupuestu de $200 millones, convirtiéndose asina na docena película con mayor recaldación de tolos tiempos.