Ingrid Bergman
actriz sueca / From Wikipedia, the free encyclopedia
Ingrid Bergman (29 d'agostu de 1915, parroquia de Hedvig Eleonora (es) – 29 d'agostu de 1982, Londres))[9] foi una actriz sueca gallardoniada con 3 Premiu Óscar —igualada por Meryl Streep en 2012 y namái superada por Katharine Hepburn con cuatro estatuilles— y 5 Globu d'Oru, amás foi la primer ganadora del Premiu Tony como meyor actriz. Considerada unu de los mitos del séptimu arte, según la llista realizada pol American Film Institute ye la cuarta estrella más importante na historia del cine. Ye probablemente una de les actrices más prolífiques del sieglu XX, debíu en parte a que desenvolvió la so carrera en cinco idiomes (suecu, alemán, inglés, italianu y francés) y actuó en cine, teatru y televisión en Suecia, Alemaña, Estaos Xuníos, Canadá, Inglaterra, Italia, Francia, España ya Israel. Finó'l día del so 67ᵘ cumpleaños, en llibrando una llarga batalla contra'l cáncer de mama.