![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7a/Inge_de_Bruijn_en_Jacco_Verhaeren_1a.jpg/640px-Inge_de_Bruijn_en_Jacco_Verhaeren_1a.jpg&w=640&q=50)
Inge de Bruijn
nadadora neerlandesa / From Wikipedia, the free encyclopedia
Inge de Bruijn (24 d'agostu de 1973, Barendrecht) ye una nadadora neerlandesa, yá retirada, especialista en pruebes de velocidá que ganó ocho medayes olímpiques, ente 2000 y 2004, cuatro d'elles d'oru. Amás batió diez récores mundiales, de los cualos entá caltién el de meyor tiempu pa los 50m. n'estilu llibre (24,13) y 100m. n'estilu caparina (56,61).
![Thumb image](http://upload.wikimedia.org/wikipedia/commons/thumb/c/cc/Inge_de_Bruijn.jpg/640px-Inge_de_Bruijn.jpg)
Inge de Bruijn ye unu de los casos más esconcertantes del deporte mundial nos últimos años por cuenta de lo estraño de la so trayeutoria. Enantes de 1999 yera una nadadora de nivel aceptable, con dalgún trunfu a nivel européu pero que con frecuencia nun se clasificaba pa les finales nos campeonatos importantes. En 1996 anuncia la so retirada y nun allega los Xuegos Olímpicos d'esi añu. Depués de trabayar con un nuevu entrenador, y a una edá na que munches nadadores tán retiraes ella empieza a consiguir los sos grandes ésitos, qu'algamen cotes estelantes nel añu 2000 cuando bate diez récores mundiales n'apenes tres meses. Amás caltiénse compitiendo al máximu nivel hasta los 32 años, una edá infrecuente pal deporte de la natación. Asina les coses nun ye d'estrañar que la solombra del dopaxe y el barruntu estendiérase sobre ella y acompañárala toos estos años.