![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/b/bd/Sonny_Rollins_3.jpg/640px-Sonny_Rollins_3.jpg&w=640&q=50)
Improvisación
From Wikipedia, the free encyclopedia
La improvisación consiste en concebir y executar cualquier aición de forma simultánea.[2] Asina, caltener una conversación ensin unes directrices previes, como un guión, ye improvisar, anque pueda tar carente d'una intención artístico.[1]
La improvisación ye llargamente usada na música, pero ta presente en tolos niveles de la vida cotidiana, como al caltener una conversación con otra persona.[1]
De forma semántica, improvisar significa realizar daqué ensin preparalo con anterioridá.[3] Sicasí, puede asoceder que seya necesaria una preparación previa pa poder improvisar, anque otros autores renieguen d'esta idea. Asina, un músicu puede precisar tener un ciertu dominiu téunicu y musical pa improvisar una obra musical nun pianu;[4] pero nun dexa de ser ciertu qu'una persona que nun tocara enxamás esi preséu puede primir les tecles como-y paeza y producir asina una composición artística.[5]
Son los valores estéticos o comunicativos de cada individuu lo que va determinar la calidá artística de la resultancia. Siguiendo col exemplu, nun ye equiparable la improvisación d'una persona que nun ta empecipiada na música, que'l so oxetivu pue ser la mera esperimentación, cola improvisación d'un músicu profesional, que busca un valor añadíu col que prestar a la so audiencia.[6]