From Wikipedia, the free encyclopedia
L'Imperiu mayapajit foi un estáu javanés que s'estendió por una amplia rexón, controlando zones que güei pertenecen a Indonesia, Malasia, Brunéi, Singapur, Timor Oriental, Tailandia y Filipines. Algamó la so máxima rellumanza sol reináu de Hayam Wuruk (1334-1389).[1] Los emperadores yeren miembros de la dinastía rayasa, fundada a finales del sieglu XIII, que yá gobernara l'Estáu predecesor de Singhasari (1222-1292).
| |||||
---|---|---|---|---|---|
estáu desapaecíu | |||||
| |||||
Alministración | |||||
Capital | Trowulan (en) | ||||
Xeografía | |||||
Coordenaes | 7°42′S 112°30′E | ||||
L'imperiu foi establecíu gracies al sofitu de numberoses tropes chines, pero éstes fueron espulsaes pocu dempués. Tres la muerte de Hayam Wuruk l'imperiu entró rápido en decadencia[1] por causa de disputes socesories.
Los restos arqueolóxicos que dexó l'imperiu son escasos,[2] y delles partes de la so historia tán por esclariar se.[3] Con éses recurrióse al estudiu de documentos historiográficos pa investigar la hestoria del imperiu. Los principales son el Pararaton (Llibru de Reyes), escritu en idioma kawi, y el Nagarakertagama, un antiguu poema épicu javanés escritu mientres la dómina dorada de Mayapajit, sol reináu de Hayum Wuruk.[3]
Les fontes javaneses entemecen la hestoria cola mitoloxía. Ello ye que dellos estudiosos de Mayapajit, como'l neerlandés C. C. Berg, consideraron que la so hestoria paez ser la descripción d'un futuru sobrenatural más qu'una descripción del pasáu.[4] A pesar d'esta considerancia, la mayoría de los estudiosos nun coincide con ella, aduciendo la influencia china en dellos testos; la llista real, amás, nun amuesa señales d'invención.[3]
L'almirante Zheng He de la dinastía Ming visitó Mayapajit. El so traductor Ma Huan escribió una detallada descripción tantu del imperiu como del rei en Java.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.