Hispanoamérica
From Wikipedia, the free encyclopedia
Hispanoamérica o América hispana ye una rexón cultural integrada polos Estaos americanos onde se fala español. El so xentiliciu ye «hispanoamericanu».
Ye un territoriu integráu por venti países que suman una población total cercana a los 400 millones d'habitantes. Na mayoría d'ellos, l'español ye idioma oficial o cooficial, ensin perxuiciu de la preesistencia de comunidaes, principalmente indíxenes, que falen la so llingua propia, dacuando de manera esclusiva. Otros idiomes falaos en Hispanoamérica son el guaraní, aimara, quechua, náhuatl, maya, wayú y mapudungún. La relixón predominante ye'l Cristianismu (especialmente de denominación católica).[1]
El términu tien d'estremase d'Iberoamérica -qu'abarca a les naciones americanes que tienen como idioma oficial o cooficial l'español- y d'América Llatina o Llatinoamérica, qu'arrexunta a les naciones o territorios del continente americanu que tienen como idioma oficial o co-oficial la española, el portugués y el francés.
Sobre'l casu particular de Puertu Ricu esisten diferencies de criteriu, porque mientres dalgunos nun lo inclúin na rexón, yá qu'integra Estaos Xuníos, un país de fala inglesa, otros consideren que la so condición d'estáu llibre acomuñáu ye asimilable a la noción de «país».