![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/7/7e/Map_Province_of_Olbia_Tempio_until_2016.svg/langast-640px-Map_Province_of_Olbia_Tempio_until_2016.svg.png&w=640&q=50)
Gymnopilus maritimus
especie de fungu / From Wikipedia, the free encyclopedia
Gymnopilus maritimus ye un fungu de la familia Cortinariaceae, identificáu como especie per primer vegada en 2006 al norte de Cerdeña, y descritu en 2009. A partir del so miceliu desenvuélvense cogordes robustes d'un color anaranxáu acoloratáu, con un sombreru semiesféricu d'hasta 70 mm de diámetru, cubiertu de fibrillas anaranxaes y, dacuando, de pequeñes escames. El pie ye amarellentáu, cilíndricu, llega hasta los 110 mm de llargu y 8 mm de diámetru, y n'ocasiones presenta restos del velo parcial. Tien llámines pegaes al pie, que son marielles nes cogordes nueves y de color aferruñáu escuru nes cogordes madures, por causa de la esporada esprendida de los basidios. Les espores miden de 7,5 a 11,5 µm de llargor y son de color ocre acoloratáu escuru. La trama o carne ye mariella, y tien un gustu llixeramente amargosu.
Clasificación científica | ||
---|---|---|
Reinu: | Fungi | |
División: | Basidiomycota | |
Clas: | Agaricomycetes | |
Orde: | Agaricales | |
Familia: | Cortinariaceae | |
Xéneru: | Gymnopilus | |
Especie: |
Gymnopilus maritimus[1][2] Contu, Guzm.-Dáv., A. Ortega & Vizzini | |
Distribución | ||
![]() Sábese que G. maritimus solo habita en cierta área de la Provincia de Olbia-Tempio, Cerdeña, Italia.[3] | ||
Consultes | ||
[editar datos en Wikidata] |
Esti basidiomicetu ye más similar n'apariencia a G. fulgens, y bioxeográficamente y ecológicamente, a G. arenophilus, anque nun esiste una rellación taxonómica cercana ente'l primeru y los otros dos, lo que suxure que son casos d'evolución converxente. Ta más rellacionáu con G. spectabilis y especies allegaes, anque nun ye particularmente similar a nengún de los sos parientes más cercanos.
Gymnopilus maritimus solo atopóse en dunes costeres cerca d'Olbia, en Cerdeña, onde crez en suelos arenosos cerca de la base de xuncos marinos o sobre plantes en descomposición, ente los meses d'ochobre y xineru. Sicasí, abarrúntase que tamién esiste n'otres rexones d'Europa, yá que al tratase d'un organismu saprótrofo puede desenvolvese sobre otros sustratos.