Gliese 682
From Wikipedia, the free encyclopedia
Gliese 682 (GJ 682 / LHS 451 / CD-44 11909)[7] ye una estrella na constelación del Escorpión, asitiada a pocu más de 1º de la brillosa estrella Sargas (θ Scorpii). De magnitú aparente +10,96, nun ye visible a simple vista. Alcuéntrase a 16,4 años lluz de distancia del Sistema Solar, siendo la estrella más cercana dientro de la constelación del Escorpión.
Como tantes otres estrelles de la nuesa redolada, Gliese 682 ye una tenue nana colorada que'l so tipu espectral ye M4.5V.[8][9] Tien una masa daqué mayor d'una cuarta parte de la masa solar,[10] con una lluminosidá probablemente inferior al 0,1% de la lluminosidá solar. La so temperatura superficial ye de 3190 K.[11]
Los sistemes estelares más cercanos a Gliese 682 son Gliese 674, a 1,8 años lluz y Gliese 693, a 4,7 años lluz.[12]