Fuercia

Una fuercia^[1] (davezu simbolizada con F) ye una aición qu'anicia una perturbación na cantidá de movimientu o direición d'un cuerpu. El conceutu de fuercia descríbese na segunda Llei de Newton.

F = m · a

Fuercia
cantidá derivada del Sistema Internacional de Cantidaes, magnitud física vectorial (es) y cantidá física

descomposición de les fuercies, nún planu, y nun planu atenllaú

La unidá del SI pa la fuercia ye'l Newton (N), qu'equival a kg·m·s⁻²

Según la tercera llei de Newton, a cada fuercia correspuende-y otra d'idéntica magnitú y en sen opuestu. Esta llei conozse como llei d'aición-reaición.

Fuercia na mecánica newtoniana

1. L'aceleración qu'esperimenta un cuerpu ye, por definición, proporcional a les fuercies qu'autúen sobro él.
2. La constante de proporcionalidá ente la fuercia y l'aceleración denómase masa inercial del cuerpu.

Estes dos afirmaciones resúmense na Llei Fundamental de la Dinámica o Segunda Llei de Newton:

${\displaystyle {\vec {F}}=m{\vec {a}}\,}$

au ${\displaystyle {\vec {F}}}$ representa la fuercia qu'autúa sobro'l cuerpu, ${\displaystyle m\,}$ la so masa y ${\displaystyle {\vec {a}}}$ la so aceleración. Midíes sobro un sistema inercial de referencia.

La fuercia, neto que l'aceleración, ye una magnitud vectorial, y represéntase matemáticamente per aciu d'un vector.

La fuercia de la Segunda Llei de Newton ye, poro, una suma vectorial.

${\displaystyle {\vec {F}}=\sum _{i=1}^{n}{{\vec {F}}_{i}}\,}$

A la fuercia resultante de la suma vectoria de toles fuercies qu'autuen sobro un cuerpu denómase-y fuercia neta. D'esta miente la segunda Llei de Newton podríemos espresala asina:

${\displaystyle \sum _{i=1}^{n}{{\vec {F}}_{i}}=m{\vec {a}}\,}$

Un cuerpu en movimientu, y sobro'l que nun autúa nenguna fuercia neta, siguirá moviéndose en llinia reuta y a velocidá constante indefinidamente.

Unidaes de fuercia

Definir la fuercia a partir de la masa y l'aceleración, magnitúes nes que intervienen masa, llonxitú y tiempu, fai que seya una magnitú derivada. Esti fechu atiende a les evidencies que caltién la fisica d'anguaño, espresáu nel conceutu de Fuercies Fundamentales y vese espeyáu nel Sistema Internacional d'Unidaes.

• Sistema Internacional d'Unidaes (SI)
  • Newton

• Sistema Téunicu d'Unidaes
  • Kilogramu fuercia o Quilopondiu (Kg_f)
  • Gramu fuercia (g_f)

• Sistema Ceguesimal d'Unidaes
  • Dina

• Sistema Anglosaxón d'Unidaes
  • Poundal
  • KIP
  • Llibra fuercia (lb_f)

Ver tamién

• Fuercies fundamentales
• Dinamómetru
• Sistema Internacional d'Unidaes

Referencies

1. Esti términu apaez nel Diccionariu de l'Academia de la Llingua Asturiana. Ver: fuercia

Enllaces esternos

• Fuercia central ya conservativa (enllaz rotu disponible n'Internet Archive; ver l'historial y la última versión). (castellán)
• Problemes de dinámica (castellán)

• Datos: Q11402
• Multimedia: Forces (physics)
• Cites famoses: Fuerza