From Wikipedia, the free encyclopedia
Federico Errázuriz Echaurren (16 de payares de 1850, Santiagu – 12 de xunetu de 1901, Valparaíso)[2] foi un abogáu y políticu chilenu. Presidente de Chile ente 1896 y 1901.
Federico Errázuriz Echaurren![]() | |||||||||
---|---|---|---|---|---|---|---|---|---|
![]() | |||||||||
18 setiembre 1896 - 12 xunetu 1901 ← Jorge Montt - Germán Riesco →
| |||||||||
Vida | |||||||||
Nacimientu | Santiagu, 16 de payares de 1850[1] | ||||||||
Nacionalidá |
![]() | ||||||||
Muerte | Valparaíso, 12 de xunetu de 1901[1] (50 años) | ||||||||
Causa de la muerte | infartu | ||||||||
Familia | |||||||||
Padre | Federico Errázuriz Zañartu | ||||||||
Madre | Eulogia Echaurren | ||||||||
Casáu con | Gertrudis Echeñique | ||||||||
Fíos/es |
Federico Errázuriz Echenique (es) ![]() | ||||||||
Hermanos/es | |||||||||
Estudios | |||||||||
Estudios |
Universidá de Chile Colegio San Ignacio (es) ![]() Institutu Nacional Xeneral José Miguel Carrera | ||||||||
Llingües falaes | castellanu | ||||||||
Oficiu | políticu, abogáu, Presidente de Chile, agricultor | ||||||||
Llugares de trabayu | Santiagu | ||||||||
Creencies | |||||||||
Partíu políticu |
Partido Liberal (es) ![]() | ||||||||
| |||||||||
![]() |
Fíu del presidente Federico Errázuriz Zañartu y d'Eulogia Echaurren.[2] Realizó los sos estudios nel Colegio San Ignacio, de los padres xesuites. [3] Tituláu d'abogáu na Universidá de Chile en 1873, dedicándose a l'agricultura na so facienda en Colchagua.[2]
Empecipió la so vida política en 1876, al ser escoyíu diputáu por Constitución.
Opositor al gobiernu de Domingo Santa María González, collaboró col presidente José Manuel Balmaceda, aportando al so Ministru de Guerra y Marina (1890). Poco dempués, y arriendes de les crecientes tensiones ente'l Presidente y el Parllamentu, tomó partíu polos congresistes. Acabada la Guerra Civil de 1891, collaboró dende diverses carteres ministeriales col gobiernu de Jorge Montt Álvarez.
Utilizando la so astucia política, Errázuriz llogró consiguir ser designáu como candidatu presidencial pola convención del cuetu formada per una parte del lliberalismu, la menos doctrinal, ente que la otra seición del lliberalismu (la doctrinal y los radicales), convocaron a la Convención del Teatru de Santiago, onde se proclamó a Vicente Reyes.
Pa tener dalguna posibilidá de ganar, yera necesariu atraese a los conservadores, xuniéndose entós el lliberalismu a la Coalición, ente que na Alianza Lliberal arrexuntábense lliberales doctrinarios, radicales y balmacedistas.
La llucha eleutoral foi más violenta de lo esperao, llegándose a arramar sangre en dellos incidentes. El recuentu de votos tamién foi complicáu, pos la cantidá d'eleutores de los dos yeren 139 pa Reyes y 141 pa Errázuriz, faltando dos eleutores balmacedistas, quien decidiríen la votación. Pero, esti eleutores yeren de conciencia elástica”, y votaron por Errázuriz. Falar de sobornos y otres maquinaciones; lo cierto ye que pola cantidá de reclamos acumulaos, anuláronse éstos y otru eleutores (de Reyes tamién), teniendo de decidir el Congresu Plenu quien sería los Presidente.
El problema nel congresu yera la presencia de dellos parientes carnales de don Federico, polo que s'armó un discutiniu alrodiu de si debíen o nun votar. Finalmente dexóse-yos votar (unu d'ellos, por conciencia de xuru, abstúvose) y la resultancia foi: 62 votos pa Errázuriz, 60 pa Reyes.
Jorge Montt tuvo 8 ministerios, los de Errázuriz seríen 12, con un permediu de 5 meses por cambéu de gabinete. Esto torgó cualquier desenvolvimientu del país mientres el gobiernu de Errázuriz.
Les razones d'esta verdadera llocura política, a destacar:
Toos estos fechos se confabularon contra'l presidente que “reinaba pero nun gobernaba”. El so primer ministeriu taba compuestu por conservadores, nacionales y lliberales, xunto a un lliberal democráticu (balmacedista), ministeriu que nun tuvo tregua per parte de los radicales, a los qu'escupuliciaba'l fechu de qu'hubieren conservadores nel gabinete, polo que lo censuraron y el gabinete cayó.
Un nuevu gabinete pudo caltenese de pies hasta les eleiciones parllamentaries, que dieron una pequeña ventaya a la coalición. Considerando terminada la so misión, el gabinete arrenunció y siguiéron-y dos gabinetes lliberales pero con sofitu conservador. Estos ministerios cayeron pola llucha doctrinal (cada vez más manera): l'asuntu de si tenía de ser primero'l matrimoniu nel rexistru civil y dempués el relixosu o viceversa, y la postulación de Diego Barros Arana (conocíu lliberal antieducación privada) a la Universidá de Chile.
Estes lluches producieron un desfile de ministerios, hasta que se caltuvo cierta estabilidá col ministeriu de Carlos Walker Martínez, líder del conservadorismu. Pero los aproximamientu de les siguientes eleiciones parllamentaries y presidenciales y el deterioru de la salú del presidente provocaron la cayida d'un ministeriu que duró más d'un añu, polo que siguió la rotativa llegando a 7 nuevos ministerios hasta'l final del so periodu. La eleición presidencial de 1901 caltuvo indiferente al presidente; fadiábalu que dixeren que sofitaba a Germán Riesco Errázuriz (primu y cuñáu de don Federico). Amás, taba mortalmente enfermu, el so sobreesfuerzo de trabayu y la so vida bohemia deterioraren a tal grau la so salú, que finó por una trombosis cerebral, el 12 de xunetu de 1901, tenía 50 años. escoyíu yá nuevu mandatariu pero entá non en posesión del so cargu.
La rotativa ministerial fixo que'l gobiernu nun pudiera responder a les necesidaes del país y arreyárase solo en discutinios políticos banales. Pero Errázuriz pudo llograr ciertes obres, como son: L'Institutu Comercial, l'ampliación del serviciu de tranvíes, les obres del alcantarelláu de Santiago y el Conseyu Cimeru d'Hixene Pública.
Pero la verdadera obra de Errázuriz Echaurren sería la de caltener la paz con Arxentina, sentando les bases de los Pactos de Mayu y resolviendo el pleitu pola Puna de Atacama nuna xunta col presidente arxentín Julio Roca, nel Estrechu de Magallanes, alcuentru llamáu “Abrazu del Estrechu” realizáu'l 15 de setiembre de 1899.
Predecesor: Francisco Antonio Pinto |
Ministru de Justicia 1894 |
Socesor: Osvaldo Rengifo |
Predecesor: Jorge Montt Álvarez |
Presidente de la República de Chile![]() 18 de setiembre de 1896 - 12 de xunetu de 1901 |
Socesor: Aníbal Zañartu Vicepresidente |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.