From Wikipedia, the free encyclopedia
La Federación Española de Sociedaes de Profesores de Matemátiques ye una federación española qu'axunta toles sociedaes autonómiques y provinciales de profesores de matemátiques.
El presidente de la FESPM ye Onofre Monzó.
En 2019, foi galardonáu cola Orde d'Alfonso X el Sabiu.
Formen parte de la Federación más de seis mil socios. Cada sociedá ye independiente y entama les sos propies actividaes: xornaes, sesiones de formación de profesoráu, concursos matemáticos, esposiciones...
Les sociedaes miembros son les siguientes:
Les Xornaes pal Deprendizaxe y l'Enseñu de les Matemátiques (JAEM) nacieron enantes de crease la Federación Española de Sociedaes de Profesores de Matemátiques y tuvieron periodicidá añal ente 1981 y 1984, pero, tres unos años nos que dexaron de facese (dende 1985 hasta 1990). Al constituyise la Federación en 1989, decide retomase la idea y convocales a partir d'esi momentu, dándo-yos periodicidá biañal y encargando la so organización a dalguna de les sociedaes federaes[1].
La FESPM entama les Olimpiaes Matemátiques Nacionales, que son añales y entamaes llocalmente por una sociedá federada. Celébrense dende 2010, en delles ciudaes d'España:
La revista entamó a espublizase en 1988 en Granada. El so primer Direutor foi Rafael Pérez Gómez. Ellí espublizáronse los ocho primeros númberos de Suma.
El Premiu Gonzalo Sánchez Vázquez creóse cola cuenta de reconocer y premiar el llabor docente y los valores humanos: la entrega desinteresada, l'amor, l'espíritu tolerante, el vagar... escontra alumnos, compañeros, amigos y, polo xeneral, escontra la enseñanza de la matemática.
La FESPM creó esti premiu que dende l'añu 1999 vien apurriéndose nes JAEM[2]:
| Año | Ganador |
|---|---|
| 1999 | Miguel Antonio Esteban |
| 2001 | Pilar Plaza Queralt |
| 2003 | Adelina Flores Medina y Antonio Aranda Plata |
| 2005 | Ismael Roldán |
| 2007 | Antònia Canals |
| 2009 | Luis Balbuena Castellanos |
| 2011 | Fernando Alonso Molina |
| 2013 | Manuel Pazos Crespo |
| 2015 | Luís Berenguer |
| 2017 | Olimpia Figueras Mourut |
| 2019 | Carme Burgués y Claudi Alsina |
| 2021 | Falta por determinar |
Dende l'añu 2010, la FESPM y en collaboración cola Real Sociedá Matemática Española y el Ministeriu d'Educación y Formación Profesional, entamen el Día Escolar de les Matemátiques, un día que la so finalidá ye la divulgación de les matemátiques nes aules.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
