Español mediu
Variante del castellán usada entre finales del sieglu XV y finales del sieglu XVII / From Wikipedia, the free encyclopedia
El español mediu, español áurico o español de los sieglos d'oru ye la variante d'español usada ente finales del sieglu XV y finales del sieglu XVII marcada por una serie de cambeos fonolóxicos y gramaticales que tresformaron l'español medieval nel español modernu.
Ente los principales cambeos pueden mentase'l reaxuste de les sibilantes, la perda de les sibilantes sonores, la fixación de la posición de los pronomes clíticos o la equiparación de les formes compuestes de los verbos inergativos y inacusativos.
Los falantes d'español que llegaron a América falaben variantes d'español mediu y, poro, toles formes del español actual son descendientes del español mediu. El xudeoespañol caltién dellos arcaísmos del castellán medieval que sumieron del restu de les variantes, como la presencia de sibilantes sonores o'l caltenimientu de los fonemes /š/ (=AFI ʃ) y /ž/ (=AFI ʒ). Plantía:Cladograma español