From Wikipedia, the free encyclopedia
Elizabeth Helen Blackburn (26 de payares de 1948, Hobart) ye una bioquímica australiana, descubridora de la telomerasa, una enzima que forma los telómeros demientres la duplicación del ADN.
Elizabeth H. Blackburn | |
---|---|
Vida | |
Nacimientu | Hobart[1], 26 de payares de 1948[2] (75 años) |
Nacionalidá |
Australia Estaos Xuníos (2003 - |
Estudios | |
Estudios |
Universidá de Melbourne 1972) University High School (en) Universidá de Cambridge 1975) Philosophiæ doctor Darwin College (es) Janet Clarke Hall (en) |
Nivel d'estudios | Doctor en Filosofía en Economía (es) |
Direutor de tesis | Frederick Sanger |
Direutora de tesis de | Carol Greider |
Llingües falaes | inglés[3] |
Alumna de | Frederick Sanger |
Profesora de | Carol Greider: unravelling the science of telomeres and telomerase. Interview by Stephen Pincock (en) |
Oficiu | bióloga, bióloga molecular, bioquímica, profesora universitaria |
Emplegadores |
Universidá d'Oxford Instituto Salk (es) Universidá de California en Berkeley (1978 – 1990) Universidá de California en San Francisco (1990 – |
Premios |
ver
|
Miembru de |
Academia Nacional de Ciencies de los Estaos Xuníos[25] Academia de les Artes y les Ciencies d'Estaos Xuníos Academia Australiana de Ciencias (es) Asociación d'Estaos Xuníos pa la Meyora de la Ciencia Organización Europea de Bioloxía Molecular Academia Nacional de Medicina (es) Royal Society[26] |
blackburnlab.ucsf.edu | |
Naz en Hobart, capital de la isla de Tasmania (Australia), fía d'un matrimoniu de médicos. Estudió Bioquímica na Universidá de Melbourne y doctoróse en Bioloxía Molecular en 1975 pola Universidá de Cambridge. Ellí conoció a John Sedat, tamién biólogu molecular, col que se casaría.
Entama a estudiar los telómeros na Universidá de Yale en 1975, pasando a la Universidá de California en Berkeley. En 1984, descubre xunto a Carol Greider la enzima telomerasa, y un añu depués, aísllenla. Ye entós cuando entamen a crear telómeros artificiales col fin d'estudiar la división celular y asina poder controlala. En 1986 ye nomada direutora de llaboratoriu, convirtiéndolu en líder mundial na manipulación de l'actividá de la telomerosa nes célules. En 1993 ye nomada direutora del departamentu de Microbioloxía y Inmunoloxía.
En 2001, Elizabeth Blackburn ingresó na Comisión de Bioética de los Estaos Xuníos, pero retiróse en 2004 en desacuerdu coles torgues que l'administración de George W. Bush imponía na investigación celular.
Elizabeth Blackburn foi de los primeros bioquímicos n'estudiar los telómeros, xunto a John Gall y Jack Szostak. Los telómeros son los estremos de los cromosomas de les célules eucariotes, necesarias tanto pa la división celular como pa mantener la integridá y la estabilidá de los cromosomas. La enzima telomerasa, forma los telómeros demientres la duplicación del ADN, ye la que pauta la vida de les célules: cuanto menor seya la segregación de telomerasa, más cortos serán los telómeros, hasta llegar a un momentu nel que la dixebra celular seya imposible y les célules terminen morriendo. Polo tanto, los telómeros tán rellacionaos col avieyamientu celular.
Blackburn y Greider tamién descubrieron que les célules canceroses, pol contrariu, son quien a siguir produciendo mayor cantidá de telomerasa, provocando la aparición de tumores. Esti descubrimientu puede contribuir a atopar sustancies, métodos o dianes eficaces pa frenar la segregación d'esta enzima y asina ayudar nel tratamientu del cáncer.
Elizabeth Blackburn recibió numberosos premios de sonadía:
Xunto a Carol Greidner, John Gall o Jack Szostak, recibió en 2006 el Premiu Albert Lasker por Investigación Médica Básica o'l premiu Louisa Gross Horwitz (2007)
En 2007, la revista Time Magazine's incluyóla dientro de la lista de les 100 personalidaes más influyentes del mundu.
Pertenez a les sociedaes científiques de mayor sonadía del mundo como la Sociedá Americana de Bioloxía Celular, al Institutu de Medicina d'EEXX o a la Royal Society de Londres.
Según destacó l'Institutu Karolinska d'Estocolmu, al comonicar la concesión del premiu destacó la so contribución y la de los otros dos científicos a colos que lu compartió, por descubrir cómo los cromosomas tán protegíos polos telómeros y la enzima telomerasa.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.