![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/8/85/2006_Brazilian_presidential_election_map_%2528Round_2%2529.svg/langast-640px-2006_Brazilian_presidential_election_map_%2528Round_2%2529.svg.png&w=640&q=50)
Eleiciones xenerales de Brasil de 2006
From Wikipedia, the free encyclopedia
Les eleiciones xenerales de Brasil de 2006 celebráronse'l domingu 1 d'ochobre de dichu añu, pa escoyer al presidente de la república y a un nuevu parllamentu, según a los gobernadores de los estaos brasilanos y a les sos respeutives asamblees llexislatives, unos 1059 diputaos estatales. En total presentáronse 19.619 candidatos, ocho a la presidencia, 213 a gobernador, 236 a senador, 5.525 a diputáu federal, 12.945 a diputáu estatal y 692 a diputáu distrital d'un total de 29 partíos políticos.[1][2]
← 2002 • ![]() | |||||||||||
Eleiciones xenerales de Brasil de 2006 | |||||||||||
Domingo 1 d'ochobre de 2006 (Primer vuelta) Domingo 29 d'ochobre de 2006 (Segunda vuelta) | |||||||||||
Tipu d'eleición: | Xeneral | ||||||||||
Demografía eleutoral | |||||||||||
Votantes 1.ª vuelta: | 104820145 | ||||||||||
83.2% ![]() | |||||||||||
Votos válidos: | 95996733 (91.6%) | ||||||||||
Votos en blanco: | 2866205 (2.7%) | ||||||||||
Votos nulos: | 5957207 (5.7%) | ||||||||||
Votantes segunda vuelta: | 101998221 | ||||||||||
81.0% ![]() | |||||||||||
Votos válidos: | 95838220 (94.0%) | ||||||||||
Votos en blanco: | 1351448 (1.3%) | ||||||||||
Votos nulos: | 4808553 (4.7%) | ||||||||||
![]() | |||||||||||
![]() | |||||||||||
![]() | |||||||||||
Titular Lula da Silva |
Elixíu Lula da Silva |
![Thumb image](http://upload.wikimedia.org/wikipedia/commons/thumb/4/46/Lula_celebra_victoria.jpg/320px-Lula_celebra_victoria.jpg)
Estes eleiciones fueron les segundes totalmente digitalizadas del país. Instaláronse 432.000 urnes electróniques nos 91.244 colexos eleutorales, 207 nel esterior del país. El votu electrónicu entaína'l procesu, tanto a la de votar como nel escrutiniu. El votu en Brasil ye obligatoriu, polo que los eleutores teníen de xustificar la so ausencia si nun podíen allegar a votar. A pesar d'esto, hubo una astención considerable; na primer vuelta, por casu, asítiase nel 17,74% de los votos.[3]
Les eleiciones presidenciales fueron ganaes na primer vuelta por Luiz Inácio Lula da Silva. Sicasí, Lula nun llogró más del 50% de los votos, polo que s'enfrentó'l domingu 29 d'ochobre al segundu candidatu con más votos, que foi Geraldo Alckmin. Esa votación tamién foi ganada por Lula, con un 60% de los votos, llogrando asina la reelección como presidente de Brasil.[4]
Les eleiciones llexislatives fueron ganaes por númberu de votos pol Partíu de los Trabayadores de Lula, pero'l partíu que llogró más diputaos foi'l Partíu del Movimientu Democráticu Brasilanu (PMDB).[5] Tocantes a senadores, escoyéronse 27, partíos ente dolce partíos. El partíu que más senadores consiguió foi'l Partíu del Frente Lliberal con seis.[6]
A lo último, nes eleiciones estatales,[7] el PMDB consiguió siete gobernador, siguíu del Partíu de la Socialdemocracia Brasilana con seis. Otros seis partíos consiguieron siquier un gobernador: el Partíu de los Trabayadores, el Partíu Socialista Brasilanu, el Partíu Democráticu Llaborista, el Partíu Popular Socialista, el Partíu del Frente Lliberal y el Partíu Progresista.[1]
Tolos cargos escoyíos empezaron el so mandatu efectivu'l 1 de xineru de 2007.