![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/6/64/Seawifs_global_biosphere_Centered_on_the_Pacific.jpg/640px-Seawifs_global_biosphere_Centered_on_the_Pacific.jpg&w=640&q=50)
El Niño
From Wikipedia, the free encyclopedia
El Niño ye un fenómenu climáticu, erráticamente cíclicu (Strahler fala de ciclos ente trés y ocho años[1]), que consiste nun cambéu nos patrones de movimientu de les corrientes marines na zona intertropical provocando, arriendes d'ello, una superposición d'agües templaes procedentes de la zona del hemisferiu norte darréu al norte del ecuador sobre les agües d'emersión bien fríes que caractericen la corriente de Humboldt; esta situación provoca estragos a escala zonal (na zona intertropical) por cuenta de les intenses agües, afectando principalmente a América del Sur, tanto nes mariñes atlántiques como nes del Pacíficu.
![Thumb image](http://upload.wikimedia.org/wikipedia/commons/thumb/6/64/Seawifs_global_biosphere_Centered_on_the_Pacific.jpg/640px-Seawifs_global_biosphere_Centered_on_the_Pacific.jpg)
El nome d'"El Neñu" débese a pescadores del puertu de Paita al norte de Perú que repararon que les agües del sistema de corrientes del pacíficu oriental o corriente de Humboldt, que cuerre dende la mariña meridional de Chile pel sur hasta'l norte frente a les mariñes septentrionales de Perú, caleciendo na dómina de les fiestes navidiegues y los cardúmenes o bancos de pexes sumíen de la superficie oceánica, por cuenta d'una corriente caliente procedente del golfu de Guayaquil (Ecuador). A esti fenómenu diéron-y el nome de Corriente d'El Neñu, pola so asociación cola dómina de la Navidá y el neñu Xesús.
El nome científicu del fenómenu ye Oscilación del Sur El Niño (El Niño-Southern Oscillation, ENSO, poles sos sigles n'inglés). Ye un fenómenu esplicáu pol movimientu de rotación terrestre y, arriendes d'ello, pol desplazamientu de les marees del hemisferiu norte al hemisferiu sur, siempres dientro de la zona intertropical.
Günther D. Roth definiólo asina:[2]
Irrupción ocasional d'agües superficiales templaes nel Pacíficu al pie de les mariñes de Perú y Ecuador debida a inestabilidaes de presión atmosférica ente'l Pacíficu oriental y occidental cercanu al ecuador. Supuestu causante d'anomalíes climátiques