Uzbequistán tenía una de les economíes más probes de la estinguida Xunión Soviética[1]. Dende la so independencia el país ta empobináu a una transición gradual a una economía de mercáu. Sicasí, el progresu en reformes económiques foi cautelosu y rexistró dellos llogros. Entá nun s'esanició la fienda ente'l mercáu negru y les tases de cambéu oficiales. El comerciu restrictivu del réxime y les sos polítiques xeneralmente intervencionistes siguen teniendo efeutos na so economía. Ente les restricciones imperantes alcuéntrase la capacidá de convertibilidá de la moneda y otres midíes gubernamentales pa controlar l'actividá económica, incluyendo la implementación de severes restricciones a les importaciones y zarros esporádicos de les sos fronteres colos vecinos Kazakstán, Kirguistán y Taxiquistán, que llevaren a organizaciones internacionales a suspender o dar marcha tras los creitos proyeutos.
| Economía d'Uzbequistán | |
|---|---|
| Moneda | som uzbequsitanín |
| Organizaciones comerciales de les que ye parte | OMC (observador), CEI, OCE |
| Datos estadísticos[1] | |
| PIB nominal | 80 391 853 880 $ [2] |
| PIB nominal per cápita | 2255,2 $ [3] |
| Posición del PIB | 67ª nel mundu[4] |
| Crecimientu del PIB | 7,8 % [5] |
| PIB por sector | agricultura 18.8%, industria 33.7%, servicios 47.5% (2014) |
| Inflación | 7,9 % (2016)[6] |
| Población per baxo de la llinia de la probeza | 17% (2011) |
| Total de la fuercia de trabayu | 17 280 000% (2014) |
| Fuercia de trabayu por sector | agricultura 25.9%, industria 13.2%, servicios 60.9% |
| Industries | testiles, procesamientu d'alimentos, fabricación de máquines, metalurxa, oru, petroleu, gas natural, productos químicos |
| Datos comerciales[1] | |
| Esportaciones | 13.31 mil millones (2014) |
| Destín d'esportaciones | República Popular de China 21.2%, Kazakstán 15.9%, Turquía 15.8%, Rusia 14.7%, Bangladex 9.5%, Kirguistán 4% (2012) |
| Importaciones | 12.92 mil millones (2014) |
| Destín d'importaciones | Rusia 20.7%, República Popular de China 16.6%, Corea del Sur 16.4%, Kazakstán 12.5%, Alemaña 4.6%, Turquía 4.2%, Ucraína 4% (2012) |
| Finances públiques[1] | |
| Deuda esterna | 10.19 mil millones (2014) |
| Ingresos | 17.84 mil millones (2013) |
| Gastu públicu | 18.05 mil millones (2013) |
 | |
El Gobiernu d'Uzbequistán, que trabaya n'estrecha collaboración col Fondu Monetariu Internacional, realizó considerables progresos nel amenorgamientu de la inflación y el déficit presupuestariu. La moneda nacional (el som uzbequistanín) fíxose convertible en 2003 como parte del programa de estabilización diseñáu pol FMI, anque siguen esistiendo delles restricciones alministratives. L'agricultura y la industria manufacturera contribúin igualmente na economía, representando cada un aproximadamente una cuarta parte del PIB[7]. Uzbequistán ye un productor y esportador importante d'algodón, anque la importancia d'esti productu tornó significativamente dende la so independencia. Coles mesmes, Uzbequistán ye un gran productor d'oru, cola mayor mina a cielu abiertu d'oru nel mundu, tien depósitos sustanciales de cobre, minerales estratéxicos, gas y petroleu.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
