Dibuxu humorísticu
From Wikipedia, the free encyclopedia
Un dibuxu humorísticu o caricatura humorística (referíu dacuando, anque incorreutamente, col anglicismu cartoon) ye un diseñu humorístico acompañáu o non de lleenda, de calter críticu, nel que se retrata o representa d'una manera bastante sintética daqué que se venceya cola cotidianidá o l'actualidá d'una sociedá, o con un tipo de persona o de personaxe. Un dibuxante especializáu na creación de dibuxos humorísticos recibe'l nome de humorista gráficu o caricaturista.
Nel mundu de fala inglesa la pallabra cartoon foi utilizada per primer vegada nesti contestu na década de 1840, cuando la revista Punch publicó una serie de cargaes qu'asonsañaben estudios fechos pa los frescos del Palaciu de Westminster, con una especial orientación a satirizar acontecimientos de la política d'esa dómina.[1] El significáu orixinal de la pallabra cartoon, ye pos equivalente a «estudiu», «esbozu», «borrador» o «anteproyectu», términos toos ellos bastante utilizaos nes artes plástiques.[2]
Esti tipu de diseñu gráficu tamién ye consideráu como una forma curtia de comedia, y por cierto caltién plena vixencia anguaño, manifestándose especialmente na prensa escrita.[2]