David Yates
From Wikipedia, the free encyclopedia
David Yates (8 d'ochobre de 1963, Saint Helens) ye un direutor, guionista y productor de cine y televisión británicu que desenvolvió una llarga carrera televisiva nel so país, principalmente concretando distintos trabayos pa la cadena BBC.
David Yates | |
---|---|
Vida | |
Nacimientu | Saint Helens, 8 d'ochobre de 1963[1] (60 años) |
Nacionalidá | Reinu Xuníu [2] |
Estudios | |
Estudios | Universidá d'Essex 1987) Grau n'Artes |
Llingües falaes | inglés |
Oficiu | guionista, direutor de cine, productor de cine, direutor de televisión, realizador |
Premios |
ver
|
Nominaciones |
ver
|
IMDb | nm0946734 |
Realizó los sos estudios na National Film and Television School y dedicó los sos primeros años como direutor profesional a la realización de curtiumetraxes y proyeutos televisivos. Darréu ganó reconocencia gracies al so llabor na miniserie State of Play y el telefilme Sex Traffic.
David Yates saltó a la fama por faese cargu de la direición de los últimos cuatro llargumetraxes de la saga cinematográfica de Harry Potter, que convirtiéronse nun ésitu mundial mientres enforma tiempu, tantu asina, que Harry Potter and the Deathly Hallows - Part 2, última película al so cargu, ta asitiada nel octavu llugar mundial de les películes más taquilleres de la hestoria. Esto ensin cuntar qu'anguaño ye'l direutor más esitosu del Reinu Xuníu que tuviera n'enforma tiempu aquel país, gracies al so trabayu con Harry Potter.
El común denominador de les sos obres ta nel tratamientu de temes como la corrupción, la manipulación y diverses intrigues institucionales,[7] lo cual puede constatase nos sos trabayos más conocíos; obres como'l curtiumetraxe Rank[8] o la miniserie Sex Traffic son reconocíos por encetar cuestiones sociales como'l racismu y la trata de persones. Señalóse que la so marca d'estilu ye l'usu de la cámara en mano con enclín al hiperrealismu.[9][10]