políticu rumanu From Wikipedia, the free encyclopedia
Dacian Cioloș (pronunciación rumana: [ dat͡ʃiˈan ˈt͡ʃjoloʃ ]) (27 de xunetu de 1969, Zalău (es) ) ye un inxenieru agrónomu y políticu rumanu, primer ministru de Rumanía, nomáu'l 17 de payares de 2015, comisariu européu d'Agricultura na Comisión Barroso II (2010-2014)
Dacian Cioloș empezó los sos estudios agrícoles nel institutu agrícola de Șimleu Silvaniei.[3] Siguió estudiando na Facultá d'Horticultura de la Universidá de Cluj-Napoca ente 1989 y 1994, onde llogró'l títulu d'inxenieru horticultor. Siguió estudiando na Escuela Nacional Cimera Agrónoma de Rennes como becariu del gobiernu francés (1995-1996). En 1996, empezó un DEA xunto con un doctoráu n'Economía del Desarrollu Agrícola (2000-2005) na Escuela Nacional Cimera Agrónoma de Montpellier. Tres 13 meses de práutiques, especializóse n'agricultura ecolóxica.[4]
Ente 1997 y 1999, trabayó como becariu na Comisión europea preparando'l programa européu d'ayuda agrícola SAPARD. Ente marzu y ochobre de 1999, ocupó'l puestu de direutor del Programa de Desarrollu Rural de Argeș». Trabayó dempués (1999-2001) como coordinador de programes de cooperación francorrumanos nel marcu del centru internacional de cooperación pal desenvolvimientu agrícola (CICDA).[4]
Ente xineru de 2002 y xineru de 2003, foi'l delegáu de la Comisión europea en Rumanía como task manager d'agricultura y desenvolvimientu rural. A partir de xineru de 2005, Cioloș empezó a trabayar nel Ministeriu d'Agricultura de Rumanía primero como conseyeru del ministru, dempués como representante del gobiernu rumanu ante'l Conseyu d'Europa (2005-2007) y finalmente como ministru d'Agricultura y Desarrollu Rural (2007-2008).[4]
El 9 de febreru de 2010, el Parllamentu Européu lo invistió como comisariu européu d'Agricultura na Comisión Barroso II.[4] Anque nun tea afiliáu a nengún partíu, foi sofitáu pol Partíu Demócrata Lliberal
El 17 de payares de 2015, ye llamáu pol presidente Klaus Iohannis a formar un nuevu gobiernu independiente tres la dimisión del primer ministru Victor Ponta, convirtiéndose nel primer ministru de Rumanía.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.