inxenieru y políticu español From Wikipedia, the free encyclopedia
Cristiano Brown Sansevero (1 de payares de 1981, São Paulo) ye un políticu ya inxenieru de telecomunicaciones hispanu-brasilanu[1][2] y voceru dende 2017 d'Unión, Progresu y Democracia (UPyD) hasta'l 6 d'avientu de 2020, cuando'l Xulgáu de lo Mercantil ordena la desapaición de la organización.
Cristiano Brown | |||||
|---|---|---|---|---|---|
 | |||||
29 xineru 2017 - 6 avientu 2020 ← Gorka Maneiro (es) 
11 xunu 2011 - 26 mayu 2019 | |||||
| Vida | |||||
| Nacimientu | São Paulo, 1 de payares de 1981 (43 años) | ||||
| Nacionalidá |
 España  Brasil | ||||
| Llingua materna | portugués | ||||
| Estudios | |||||
| Estudios |
Universidad Alfonso X el Sabio (es) 2006) : ingeniería de telecomunicaciones (es) | ||||
| Llingües falaes |
castellanu portugués inglés | ||||
| Oficiu | políticu, inxenieru de telecomunicación | ||||
| Llugares de trabayu | Las Rozas de Madrid | ||||
| Creencies | |||||
| Partíu políticu | Unión, Progresu y Democracia (dende 2008) | ||||
| osoigo.com… | |||||
 | |||||
Foi escoyíu presidente y voceru nacional d'UPyD nel III Congresu Nacional, celebráu'l 29 de xineru de 2017,[3][4] cargu que compaxina con una conceyalía y la presidencia del grupu municipal del so partíu políticu nel conceyu de Las Rozas de Madrid, onde foi escoyíu nos comicios de 2011 y reelixíu nos de 2015. Ye, amás, collaborador habitual y tertulianu en medios de comunicación como El HuffPost, esRadio, Onda Madrid o Intereconomía Televisión.[5][4][1]
Ñacíu na ciudá brasilana de São Paulo, la so familia mora n'España, por motivos llaborales, cuando tenía nueve años.[6] Tres dellos destinos y tresllados per tola xeografía española, los sos pas afitaron la so residencia en Las Rozas (Madrid). Tien la doble nacionalidá hispanu-brasilana.[6] Ta solteru y nun tien fíos.
Estudió la Llicenciatura d'Inxeniería de Telecomunicaciones na Universidá Alfonso X El Sabiu y entamó la so carrera profesional nel ámbitu de la I+D+I, en campos d'investigación como los de les redes de sensores inalámbricos, la comunicación con múltiples antenes (base de la teunoloxía 4G) y estudios de coesistencia electromagnétiques ente distintes teunoloxíes.[7]
Anguaño ye Xestor de proyeutu Xefe de Proyeutos de Telecomunicaciones pa una multinacional francesa, instalada en Madrid, onde coordina y ye encargáu del desenvolvimientu de proyeutos pa otres importantes empresas d'ámbitu internacional, actividá que compaxina col so llabor políticu llocal y nacional.[7]
Apasionáu pola política dende bien guaḥe, Cristiano Brown s'incorporó a UPyD en 2008, como afiliáu de base, pa collaborar nes xeres de visibilización y espansión del partíu de Rosa Díez, exmilitante del PSOE; Mikel Buesa, catedráticu y ex-presidente del Foru Ermua o'l filósofu Fernando Savater, ente otros.[8][9][10]
Años más tarde, nes Eleiciones municipales d'España de 2011, cuando UPyD taba nel so momentu más altu, presentóse como candidatu a l'alcaldía de Las Rozas de Madrid y foi escoyíu conceyal, al pie d'otros dos compañeros de llista, llogrando la so candidatura un total de 5383 votos (12'75% de los sufraxos).[11] Volvió a presentase a la candidatura a l'alcaldía del conceyu onde mora, nes Eleiciones municipales d'España de 2015, revalidando la so acta de conceyal xunto a Tomás Aparicio, miembru tamién del Conseyu de Direición Nacional del partíu progresista.[12][13]
En paralelu al so llabor na política lñocal, dende 2015 asumió distintos cargos orgánicos dientro'l partíu. Asina, nel Congresu Estraordinariu d'UPyD celebráu'l 11 de xunetu de 2015, foi designáu Responsable Nacional d'Aición Institucional del escoyíu Conseyu de Direición con Andrés Herzog a la cabeza.[14][15] Darréu, en 2 d'abril de 2016, y tres les males resultancies del so partíu nes eleiciones de 2015, caltiénse como Responsable d'Aición Institucional col eleutu Conseyu de Direición de Gorka Maneiro.
Dempués del arrenunciu y salida del partíu de personaxes como Rosa Díez, Andrés Herzog, Carlos Martínez Gorriarán o Gorka Maneiro,[16][17][18] nel III Congresu Nacional d'UPYD, el 29 de xineru de 2017, foi escoyíu Presidente de la formación maxenta, al pie de la so candidatura Sumemos col sofitu del 48'48% de los votos.[19][20][21] Baxo la so presidencia, promovió distintes aiciones pa rellanzar, espandir y abrir a nueves incorporaciones al proyeutu del partíu, ensin perder la so esencia. Nesi sen, el 1 de xunetu de 2017 encabezó un actu públicu d'anovamientu en Madrid[22][23][24][25] y se promovieron otres aiciones polítiques, como'l cambéu de los estatutos pa dexar al partíu atopar alcuerdos de coalición, como'l robláu con UCIN pa los comicios de la comunidá autónoma de Castiella-La Mancha, el 2 de febreru de 2019 en Toledo, pela so parte, como presidente d'UPyD, la d'Ángel Montealegre como presidente d'UCIN, y los coordinadores de dambes formaciones en Castiella-La Mancha, Ricardo Cutanda y Ángel Plaza.[26][27][28][29], celebró primaries n'UPYD onde s'aprobó dir a les eleicones del 10P con Ciudadanos.
Amás del cargu municipal y orgánicu, dientro'l partíu, Brown tamién ye'l representante d'UPyD nes xuntes del Alcuerdu Antiterrorista[30][31] y ta presente, fundamentalmente al pie de la so compañera de partíu y Eurodiputada Maite Pagazaurtundúa, en diversos foros, alcuerdos y da respaldu a organizaciones como Jusapol[32][33] o Societat Civil Catalana.[34][35] Tamién, como representante'l partíu, tuvo y participó en delles concentraciones de sofitu al pueblu de Venezuela y a Juan Guaidó.[36][37]
El 20 de marzu de 2019, dellos medios de comunicación avanzaron la posibilidá de que Cristiano Brown tuviere, ensin dexar la so militancia en UPyD, na llista de Ciudadanos pa les Eleiciones al Parllamentu Européu de 2019,[38] circunstancia que se vio corfirmada'l día 4 d'abril cuando s'anunció que diría nel puestu númberu 11 de la candidatura encabezada por Luis Garicano.[39]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
