From Wikipedia, the free encyclopedia
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
Corvus nasicus | ||
---|---|---|
Estáu de caltenimientu | ||
Esmolición menor (IUCN) | ||
Clasificación científica | ||
Reinu: | Animalia | |
Filu: | Chordata | |
Clas: | Aves | |
Orde: | Passeriformes | |
Familia: | Corvidae | |
Xéneru: | Corvus | |
Especie: |
Corvus nasicus Temminck, 1826 | |
Distribución | ||
Consultes | ||
[editar datos en Wikidata] |
Corvus nasicus ye una ave de Cuba y les Islles Turques y Caicos. Pertenez a la familia Corvidae del orde Passeriformes.
Corvus en llatín significa “cuervu”, nasicus significa “narizón”, pel so picu relativamente grande. Cao ye'l nome indiu cubanu de los cuervos y monteru por abondar en zones montiegues. N'inglés ye llamáu Cuban crow. Llámase de cutiu Totí por dellos cubanos que viven na islla.
Ye común en Cuba y la Islla de la Juventud y nos cayos mayores del norte del país. Abonden principalmente en sitios montiegos con escamplaes esvalixaes, en palmares y cantos de barraqueres.
Miden unos 46 cm de llargu. Son dafechu negros con llixeru rellumu. Los inmaduros son más opacos. Suelen apaecer solos o en pareyes. Nes percheas comunales axuntase en grupos mayores. En bien poques ocasiones baxen al suelu. Son ruidosos, como les cotorres. La so alimentación ye omnívora (frutos de palma real, inseutos, reptiles, güevos, moluscos, granos, otres frutes, etc.). Son aves bien intelixentes, pueden n'ocasiones llegar a asonsañar la voz humana.[1][2]
Añeren de marzu a xunetu, prefiriendo faelo sobre les fueyes de palmes o sobre epífitas avolumaes. El nial ye fechu con ramillas, payes y plumes. La puesta ye d'hasta 4 güevos que son verdosos con manches pardes y violacees.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.