Congresu de los Diputaos del Pueblu de la Xunión Soviética
From Wikipedia, the free encyclopedia
El Congresu de los Diputaos del Pueblu de la Xunión Soviética (rusu: Съезд народных депутатов СССР, Syezd naródnyj deputátov SSSR) foi'l máximu órganu d'autoridá del Estáu na Xunión Soviética de 1989 a 1991.[1] Foi creáu como parte de les reformes de Gorbachov, al traviés d'una enmienda de 1988 a la Constitución de la Xunión Soviética de 1977.
Congresu de los Diputaos del Pueblu de la Xunión Soviética | |
---|---|
Съезд народных депутатов СССР | |
Datos xenerales | |
Tipu | Congresu y poder llexislativu |
Estáu | Xunión Soviética |
Formáu por |
Sóviet Supremu de la Xunión Soviética diputado del Pueblo de la URSS (es) |
El Congresu consistía de 2.250 diputaos escoyíos de tres maneres distintos:
- 750 diputaos fueron escoyíos según el sistema usáu nes eleiciones del Sóviet de la Unión mientres 1936 y 1989.
- 750 diputaos fueron escoyíos según al sistema usáu nes eleiciones del Sóviet de les Nacionalidaes mientres 1936 y 1989.
- 750 diputaos taben en representación d'órganos públicos, como'l PCUS, el Komsomol y los sindicatos. La llei eleutoral asignaría un númberu fixu de puestos pa les organizaciones, por casu, 100 pal Partíu Comunista y 100 pal Komsomol – y les organizaciones designaríen a diputaos pa esos puestos.
El Congresu axuntaba dos vegaes al añu y depués escoyería al Sóviet Supremu de la URSS, que constaba d'un númberu menor de diputaos. El Sóviet Supremu sirviría entós como llexislatura permanente, decidiendo tolos problemes más importantes, como enmiendes a la Constitución de la Xunión Soviética que se quedaron ensin acabar.
Solo un Congresu foi escoyíu, en marzu de 1989. La diferencia fundamental ente les eleiciones anteriores yeren que les actuales yeren competitives. En llugar d'un candidatu del PCUS pa un puestu del mesmu partíu, dexáronse dellos candidatos. Una variedá de posiciones polítiques dende comunistes a prooccidentales, tuvieron representaos nel Congresu, ya intensos alderiques tuvieron llugar con distintos puntos de vista espresaos. El Congresu s'autu-eslleió'l 5 setiembre de 1991, apurriendo los sos poderes pal Sóviet Supremu de la Xunión Soviética y al acabante crear Conseyu d'Estáu de la Xunión Soviética,[2] que dexó d'esistir el 26 d'avientu de 1991, cola mesma Xunión Soviética.