Sóviet Supremu de la Xunión Soviética

El Sóviet Supremu de la Xunión Soviética (rusu: Верховный Совет СССР, Verjovny Sovet SSSR) yera'l Sóviet Supremu (máximu órganu llexislativu) na Xunión Soviética^[1] y l'únicu con poder p'aprobar les enmiendes constitucionales. Escoyó'l Presidium, formó'l Conseyu de Ministros, a la Corte Suprema y nomó al Fiscal Xeneral de la Xunión Soviética.

Sóviet Supremu de la Xunión Soviética
bicameralismu
Llocalización
Sede	Moscú
Direición	Xunión Soviética
Historia
Fundación	12 xineru 1938
Disolución	26 avientu 1991
Organigrama
Presidente	Presidente del Sóviet Supremu de la Xunión Soviética (1989)
Participación empresarial
Propietariu de	ver Palacio de los Sóviets (es)
Formáu por	Sóviet de la Xunión Sóviet de les Nacionalidaes Council of the Republics of the Supreme Soviet of the Soviet Union (en)

Estructura

El Sóviet Supremu taba compuestu por dos cámares, caúna con poderes llexislativos iguales y con miembros escoyíos por periodos de cuatro años:^[2]

• El Sóviet de la Unión, escoyíu sobre la base de la población entendía un diputáu por cada 300.000 habitantes de la federación soviética.
• El Sóviet de les Nacionalidaes, que representaba les poblaciones étniques, con miembros escoyíos sobre la base de 32 diputaos de cada república de la Unión (escluyendo les repúbliques autónomes, óblast autónomes y ókrugs autónomos nel so territoriu, qu'unviaríen miembros independientes), 11 de cada república autónoma, cinco de cada óblast autónomes (rexones) y unu de cada ókrug autónomu (distritos). Les unidaes alministratives del mesmu tipu unviaríen el mesmu númberu de miembros independientemente del so tamañu o población.

Dempués de 1989 foi compuestu por 542 diputaos (cantidá inferior a los 1.500 primeramente). Les xuntes del órganu tamién fueron más frecuentes, de seis a ocho meses al añu.^[3] El Presidium llevó a cabu les operaciones diaries del Sóviet Supremu cuando nun taba en sesión.

Presidentes del Presidium del Sóviet Supremu de la URSS (1938–1989)

• Mikhaíl Kalinin 1938-1946
• Nikolái Shvérnik 1946-1953
• Kliment Voroshílov 1953-1960
• Leonid Brézhnev 1960-1964
• Anastás Mikoyán 1964-1965
• Nikolái Podgorni 1965-1977
• Leonid Brézhnev (segundu periodu) 1977-1982
• Yuri Andrópov 1982-1984
• Konstantín Chernenko 1984-1985
• Andréi Gromyko 1985-1988
• Mikhaíl Gorbachov 1 d'ochobre de 1988 - 25 de mayu de 1989

Presidentes del Sóviet Supremu de la URSS (1989-1991)

• Mikhaíl Gorbachov 25 de mayu de 1989 - 15 de marzu de 1990
• Anatoli Lukyánov 15 de marzu de 1990 - 22 d'agostu de 1991

Ver tamién

• Politburó
• Orgburó
• Buró Políticu del Comité Central del Partíu Comunista de la Xunión Soviética
• Partíu Comunista de la Xunión Soviética
• Congresu del Partíu Comunista de la Xunión Soviética
• Comité Central
• Secretariáu del Comité Central del Partíu Comunista de la Xunión Soviética
• Palaciu de los Sóviets

Referencies

1. El Congresu de los Sóviets foi l'órganu supremu de gobiernu dende 1917 hasta 1936. Nel periodu 1989-1991 hubo unu similar, pero non idénticu (escoyíu direutamente pol pueblu en llugar de los sóviets locales) estructuralmente (Congresu de los Diputaos del Pueblu de la Xunión Soviética), que yera l'órganu supremu de gobiernu.
2. Gran Enciclopedia Soviética, tercer edición, como "Верховный Совет СССР", disponible online equí
3. Peter Lentini (1991) in: The Journal of Communist Studies, Vol. 7, Non.1,páxs. 69-94

• Datos: Q326465
• Multimedia: Supreme Soviet of the Soviet Union