From Wikipedia, the free encyclopedia
Clarence Williams III (21 d'agostu de 1939, Nueva York – 4 de xunu de 2021, Los Angeles) ye un actor d'Estaos Xuníos.[4] Foi nomáu al premiu Tony, y ye quiciabes meyor conocíu pol so papel de Linc Hayes na mítica serie policial jipi The Mod Squad (1968-1973). Ye actor de teatru, cine y televisión, y ocasional direutor. Tuvo casáu y divorcióse de l'actriz de cine Gloria Foster (meyor conocida como «Oráculu» na película Matrix).
Clarence Williams III![]() | |
---|---|
| |
Vida | |
Nacimientu | Nueva York, 21 d'agostu de 1939[1] |
Nacionalidá |
![]() |
Llingua materna | inglés |
Muerte | Los Angeles, 4 de xunu de 2021[2] (81 años) |
Causa de la muerte | cáncanu colorreutal[2] |
Familia | |
Casáu con | Gloria Foster (1967 – 1984) |
Estudios | |
Llingües falaes | inglés |
Oficiu | actor de televisión, actor de cine, actor de teatru, direutor de teatru, actor |
Premios |
ver
|
Nominaciones | |
IMDb | nm0929934 |
![]() |
Nacíu na ciudá de Nueva York, Williams ye fíu d'un músicu de xira, y nietu del llexendariu pianista y compositor de jazz Clarence Williams cola so esposa Eva Taylor, cantante de blues. Crióse pola so güela paterna, ya interesóse na actuación dempués que nuna ocasión ingresara por accidente a un escenariu nun teatru per debaxo d'una sala YMCA nel barriu Harlem.[5]
Dempués de pasar dos años na Fuercia Aérea de los Estaos Xuníos, Williams empezó una carrera como actor. Apaeció per primer vegada en Broadway en The long dream (1960), y recibió un Theatre World Award y una nominación al premiu Tony por Slow dance on the killing ground (1964).[4] Siguiendo col so impresionante trabayu nel escenariu, apaeció en Walk in darkness (1963), Sarah and the sax (1964), Doubletalk (1964), y King John.[4] Tamién se desempeñó como artista residente na Universidá Brandeis en 1966.
El papel que lu llanzó a la fama en tol país foi como'l policía tapáu Linc Hayes na popular serie televisiva policial contracultural Mod Squad (1968). Xunto colos sos relativamente desconocíos compañeros Michael Cole y Peggy Lipton, convirtióse nuna estrella. Desque la serie terminó (en 1973), Williams trabayó nuna variedá de xéneros nel escenariu y la pantalla, dende la comedia (I'm gonna git you sucka, y Half-Baked) hasta ciencia ficción (Star Trek: Deep Space Nine) y drama (Purple Rain). La so envidiable carrera profesional ―que toma más de cuarenta años― inclúi un papel recurrente na serie de televisión surrealista Twin Peaks (1990), un bon policía en Deep Cover (1992), un alborotador na miniserie Against the wall (Contra'l muriu, 1994), y el padre químicamente dependiente del actor Wesley Snipes en Sugar Hill (1993). Otros papeles en televisión inclúin Hill Street Blues, el clásicu canadiense de cultu The Littlest Hobo, Miami Vice, The Highwayman, Burn Notice, Everybody Hates Chris, Justified, un papel recurrente como Philby Cross en Mystery Woman y en series de la canal Hallmark. Puede vése-y en películes como 52 Pick-Up, Life, The Cool World, Deep Cover, Tales from the Hood, Half-Baked, Hoodlum, Frogs for Snakes, Starstruck, The General's Daughter, Reindeer Games, Impostor, The Legend of 1900, y Purple Rain. Tamién realizó un papel de repartu como un mayordomu afroamericanu de George Wallace na película George Wallace (1997, de TNT), y como Raymond Ellsworth Bumpy Johnson en American Gangster (2007). Dellos papeles nel cine en que nun foi acreditáu inclúin Pork Chop Hill (1959) y American Gangster (2007).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.