From Wikipedia, the free encyclopedia
Ciudad de la Costa ye una ciudá y un centru balneariu sobro la mariña del Ríu de La Plata, nel departamentu de Canelones, al sur d'Uruguái. Ye tamién la capital del municipiu homónimu. Tenía una población de 112.449 habitantes nel añu 2011. Ta asitiada 23,45 km al este de Montevidéu, la capital del país, y forma parte del so área metropolitana. Ye la segunda ciudá más poblada d'Uruguái dempués de Montevidéu.[1]
![]() | |
---|---|
![]() | |
Alministración | |
País | ![]() |
Departamentu | Departamentu de Canelones |
Tipu d'entidá | ciudá |
Xeografía | |
Coordenaes | 34°49′S 55°57′W |
Superficie | 51.25 km² |
Altitú | 17 m |
Llenda con |
|
Demografía | |
Población | 112 449 hab. (2011) |
Porcentaxe |
19.09% de Departamentu de Canelones 3.26% de Uruguái |
Densidá | 2194,13 hab/km² |
Más información | |
Fundación | 1994 |
ciudaddelacosta.imcanelones.gub.uy | |
![]() |
La zona, carauterizada por una llarga sablera de 16 quilómetros de llargu, foise poblando pasu ente pasu mientres el sieglu XX, formándose una serie de balnearios. A partir de los años 1980 sufrió una crecedera esplosiva de resultes d'un procesu espansivu de Montevidéu. Según el censu de 1996, la so población llegaba a 66.402 habitantes, un 92,6% más qu'en 1985. Ciudad de la Costa foi fundada'l 19 d'ochobre de 1994.[2]
La rexón respuende a la falla de Punta del Este, con sismicidá baxa; y la so última espresión producióse'l 5 de xunu de 1888 a les 3.20 UTC-3, con una magnitú de 5,5 na escala de Richter.[3]
Añu[1] | Población |
---|---|
1996 | 66.402 |
2004 | 83.888 |
2011 | 112.449 |
Les principales aveníes de Ciudad de la Costa son Ing. Luis Giannattasio y Av. d'América. Na ciudá ta asitiáu l'Aeropuertu Internacional de Carrasco, el principal aeropuertu d'Uruguái.[4]
Ciudad de la Costa tien dellos parques naturales, siendo'l principal d'ellos el Parque Franklin Delano Roosevelt, sobre les aveníes d'América y Luis Giannattasio.[5]
Les ciudades hermaniaes con Ciudad de la Costa son les siguientes: