Circunscripción eleutoral
conxuntu d'eleutores qu'elixe unu o más representantes pa un parllamentu / From Wikipedia, the free encyclopedia
Una circunscripción (puede denominase tamién distritu eleutoral) ye'l conxuntu d'eleutores a partir del cual procédese, según la distribución de los votos emitíos nes eleiciones, a la distribución de los escaños asignaos. La idea inherente a la conformanza d'un distritu eleutoral ye faer efeutivu'l principiu fundamental de la democracia representativa de la equidad nel votu. Esti preceptu obliga a buscar l'equilibriu poblacional ente los distritos eleutorales pos la sobrepoblación o la subpoblación relativa de los distritos implica sub-representación o sobre-representación política. Deriváu de la dinámica natural de la demografía, los centros de población camuden col tiempu: crecen, escayen, créanse nuevos o sumen, por causa de esta variación faise necesariu revisar dacuando l'equilibriu poblacional nos distritos eleutorales.[1]
La xera de definir distritos eleutorales nun ye senciella, pos implica tomar en considerancia diversos aspeutos sociales, económicos, cuestiones llegales, complexos aspeutos metodolóxicos y téunicos qu'eviten los sesgos que puedan xenerar de forma involuntaria inequidad eleutoral.
Nun tien de confundir se'l tamañu d'una circunscripción cola so estensión territorial o'l so volume demográfico. Llámase tamañu o magnitú d'una circunscripción al númberu d'escaños asignaos a la mesma. Les circunscripciones pueden ser clasificaes, atendiendo a la so magnitú, como uninominales y plurinominales.