From Wikipedia, the free encyclopedia
Carol Lynley (13 de febreru de 1942, Manhattan – 3 de setiembre de 2019, Pacific Palisades) ye una actriz cinematográfica y televisiva estauxunidense. Mientres la so carrera foi nomada nuna ocasión al Premiu Globu d'Oru.
Carol Lynley | |
---|---|
Vida | |
Nacimientu | Manhattan, 13 de febreru de 1942[1] |
Nacionalidá | Estaos Xuníos |
Llingua materna | inglés |
Muerte | Pacific Palisades[2], 3 de setiembre de 2019[2] (77 años) |
Causa de la muerte | infartu de miocardiu |
Fíos/es | 1 |
Estudios | |
Llingües falaes | inglés |
Oficiu | actriz, modelu, actriz de teatru, actriz de televisión, actriz de cine |
Premios |
ver
|
IMDb | nm0528595 |
Nació en Nueva York, Estaos Xuníos, como Carole Ann Jones, siendo fía de Cyril Jones y Frances Peltch.[4] Empezó la so carrera en TV shows, nos años 50s-60s como: Goodyear Television Playhouse, General Electric Theater, Shirley Temple's Storybook, Alcoa Premiere, The Merv Griffin Show, The Tonight Show o Bob Hope Presents the Chrysler Theatre.
En 1961 tuvo un papel secundariu nel western El postreru atapecer, de Robert Aldrich y xunto a Rock Hudson; en 1963 rueda con Otto Preminger en El cardenal y participa na primer película de Franklin J. Schaffner, futuru responsable de Planet of the Apes; en 1965 actuó como coprotagonista nel filme d'Otto Preminger Bunny Lake is Missing, xunto a Laurence Olivier y Keir Dullea. En 1972 actúa na película The Poseidon Adventure con Gene Hackman, en 1977 protagoniza Bad Georgia Road con Gary Lockwood, en 1979 en The Shape of Things to Come, un filme de ciencia ficción.
Nos 80 actúa en películes como Escaecí de vivir, protagonizada pol cantante Julio Iglesias; El Vixilante; Hammer House of Mystery and Suspense Tv; Dark Tower; Balboa, xunto a Tony Curtis y Blackout. Nos 90 protagoniza Howling VI: The Freaks, filme de terror de 1991 y Drowning on Dry Land (1999) con Barbara Hershey. Los sos últimos trabayos son: A Light in the Forest (2002) y el curtiumetraxe Vic (2006).
Como actriz teatral, caltúvose activa en Broadway ente les décades de 1950 y 1970.[5]
Carol pasó como convidada en series de televisión como: The Alfred Hitchcock Hour, The Virginian, The Man from U.N.C.L.E., Valle de pasiones, Los invasores, El F.B.I. n'aición, L'inmortal, Mannix, Sestu sentíu, El magu, Muyer policía, Charlie's Angels, Fantasy Island, Kojak, The Love Boat, Hotel, The Fall Guy, Hart to Hart, ente otres munches.
Carol Lynley caltuvo mientres décades gran dedicación a la so carrera y a la so familia, ensin que la so vida fuera motivu de mayores escándalos; en pallabres de la mesma actriz: Nunca tuvi implicada nun escándalu. Nunca me cazaron corriendo desnuda per una autopista. Nun intenté disparar a naide. Naide intentó disparame a mi. El mio fíu ye llexítimu... Nunca tuvi na Betty Ford (clínica de rehabilitación d'adicciones)... nun fixi porno... nun tuvi adicción a les drogues... Sobreviví a trés de los mios doctores. Asina que si fores escribir un jugoso llibru, yo tendría un problema. [6]
Cine
Televisión
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.