Cadavéu (parroquia)
parroquia del conceyu de Valdés (Asturies) From Wikipedia, the free encyclopedia
Cadavéu[2] ye una parroquia del conceyu asturianu de Valdés.
 Cadavéu | |
|---|---|
.jpg) | |
| Alministración | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu | Valdés |
| Partíu xudicial | Valdés |
| Tipu d'entidá | parroquia d'Asturies |
| Xeografía | |
| Coordenaes | 43°32′49″N 6°23′12″W |
  Cadavéu Cadavéu (Asturies) | |
| Superficie | 10.26 km² |
| Altitú | 89 m[1] |
| Llenda con | Caneiru, Trevías y Arcayana |
| Demografía | |
| Población | 444 hab. (2020) |
| Porcentaxe | 4.05% de Valdés |
| Densidá | 43,27 hab/km² |
| Más información | |
| Estaya horaria | UTC+01:00 |
 | |
La parroquia, con una estensión de 10,26 km²[3], ta allugada sobre la rasa costera, ente'l cabu Vidíu y el Cabu Bustio. Tien una población de 444 hab. (2020)[4].
El llugar de Cadavéu atópase a una altitú de 90 m y dista 18,20 km de Ḷḷuarca, la capital del conceyu.
Arriendes d'esti llugar, la parroquia entiende les aldegues de Ribón y Viḷḷamouros.
Cadavéu ganó'l concursu "Pueblu más guapu d'Asturies" nel añu 1954 y recibió'l premiu al Pueblu Exemplar d'Asturies en 2022.[5]
Cadavéu ye'l llugar de nacimientu del escritor Fernán Coronas, conocíu como'l Padre Galo.
Los primeros datos que se conocen son referentes a que foi una vieya propiedá de la reina Doña Urraca y el so nome remanez de "cádabu" ("árgoma", "toxu") ya que'l so tarrén dase al desendolcu d'esta mena de parrotal.
Na Edá Media foi puertu balleneru y hasta hai pocos años los sos habitantes dedicábense a na so mayor parte a l'agricultura y la ganadería.
A finales del sieglu XIX y entamos del XX, la zona foi destín importante d'emigración a América del Sur, calteniéndose bonos exemplos d'arquitectura indiana, y mansiones perfectamente conservaes anguaño.
Nel pueblu caltiénense anguaño unos 95 horros o paneres.
La Fiesta de La Regalina declarada d'interés turísticu rexonal, y que se celebra l'últimu domingu d'agostu, solliñando los bailles típicos, el desfile de les carroces dende'l barriu de Rapa acompañaes de cientos de persones vistíes col paxellu, coros y dances, pregón y el ramu d'Alfiladas.
Cadavéu ye, anguaño, un nucleu rural dispersu, formáu por 290 edificaciones de les que, 107 son anteriores al añu 1900, 42 foron construyíes nel periodu 1900-1950 y les 151 restantes, dende esta fecha hasta anguaño.
Llocalidaes
| Nᵘ | Nome
|
Población | % población Cadavéu (parroquia) |
|---|---|---|---|
| 1 | Cadavéu
|
n/d
| |
| 2 | Ribón
|
n/d | |
| 3 | Viḷḷamouros
|
n/d |
Sitios
- Cadavéu
- El Barreiru
- Friera
- L'Amargura
- La Raposera
- La Sienra
- Las Corradas
- Ḷḷodeiru
- Ḷḷombieḷḷu
- Los Campos
- Miares
- Rapa
- Ribón
- El Chanu
- Viḷḷamouros
- El Norte
- La Granda
- La Torre
- La Viḷḷa Baxu
- La Viḷḷa Riba
Sableres
- Sablera de Cadavéu
La dependencia mayoritaria, n'otros tiempos, yeren los sectores agrícola-ganaderu y pesqueru, anguaño, los sectores de más importancia son: servicios (hai de solliñar la hostelería), madereru, agrícola-ganaderu, pesqueru y turísticu.
Ferrocarril
Pela parroquia pasa la llinia Ferrol-Xixón que cuenta con una estación na que faen parada los servicios de la llinia R-1f (Rexonales AM).
Autobús
Pela parroquia de Cadavéu pasa la llinia Xixón/Uviéu - Ribadeo d'ALSA.
Na parroquia esisten los siguientes clubes y asociaciones deportives:
- Grupu Ciclista "La Fusión"
- Grupu de Montaña "Pico Palancas"
- Escuela de Surf "Sundance Old Rider"
- Cadavéu FS
.svg){kind=small}
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
